حکومت کی جانب سے یوم اقبال پر عام تعطیل کا اعلان کیا گیا ہے۔

تفصیلات کے مطابق وفاقی حکومت نے 9 نومبر کو ملک بھر میں عام تعطیل کا اعلان کیا ہے جس کا باقاعدہ نوٹفکیشن بھی جاری کردیا گیا ہے۔

نوٹیفکیشن کے مطابق علامہ اقبال کے یوم پیدائش کے موقع پر 9 نومبر کوعام تعطیل ہوگی۔

وزیراعظم سیکرٹریٹ نے وزیراعظم کی خواہش پر پر یوم اقبال تعطیل کے لئے متعلقہ محکمے کو کارروائی کی ہدایت کردی ہے۔

دوسری جانب پاکستان سول ایوی ایشن اتھارٹی انتظامیہ نے بھی کل عام تعطیل کا اعلان  کردیا ہے جس کا سرکلر بھی جاری کردیا گیا ہے ۔

علاوہ ازیں قومی ایرلائن پی آئی اے انتظامیہ نے کل عام تعطیل کا اعلان کردیا ہے۔

اس حوالے سے ترجمان پی آئی اے کا کہنا ہے کہ 9 نومبر کو وفاقی حکومت کی ہدایت پر پی آئی اے میں تعطیل ہوگی۔