قاسم سوری نے کہا ہے کہ پاکستانیوں کو ایک قوم بنانے والے کا نام عمران خان ہے۔

تفصیلات کے مطابق پی ٹی آئی کے رہنماء قاسم خان سوری نے کچلاک چوک پر شرکاء سے خطاب کرتے ہوئے کہا کہ عمران خان نے ہمسایہ ملک کے خلاف زمین دینے کے سوال پر ابسوٹلی ناٹ کہا۔

انہوں نے کہا کہ عمران خان نے افغانستان کے خلاف زمین استعمال کرنے سے انکار دیا، ارشد شریف شہید کیلئے زمین تنگ کردی گئی، ہمیں ایسا پاکستان نہیں آزاد پاکستان چاہیے۔

قاسم خان سوری نے یہ بھی کہا کہ پاکستانیوں کو ایک قوم بنانے والے کا نام عمران خان ہے، عمران خان نے غریب امیر کیلئے یکساں انصاف کی بات کی ہے۔

پی ٹی آئی کے رہنماء قاسم خان سوری نے مزید کہا کہ آج مذہب قوم اور پیٹ پرست سب ایک طرف ہوگئے ہیں، عمران خان کو اللہ کی مدد سے 9 میں سے 8 سیٹوں پر کامیابی ملی۔