آرمی چیف نے کراچی میں دفاعی نمائش آئیڈیاز 2022ء کا دورہ کیا۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف نے اس موقعے پر کراچی ایکسپو سینٹر میں آئیڈیاز 2022ء کے مختلف اسٹالز کا مشاہدہ کرتے ہوئے نمائش کے شرکاء اور مندوبین سے بات چیت کی۔

سپہ سالار بحرین، اٹلی، سری لنکا، لیبیا، زمبابوے، متحدہ عرب امارات سمیت مختلف مندوبین سے ملے۔

آرمی چیف جنرل قمر جاوید باجوہ نے ملیر گیریژن کا بھی دورہ کیا جس کے دوران سپہ سالار نے یادگار شہداء پر پھولوں کی چادر چڑھائی اور فاتحہ خوانی کی۔

اس دوران آرمی چیف جنرل قمر جاوید باجوہ نے افسران اور دستوں سے اپنا الوداعی خطاب کیا۔

قبل ازیں آرمی چیف کی آمد پر کور کمانڈر لیفٹیننٹ جنرل محمد سعید نے ان کا استقبال کیا تھا۔