شیخ رشید احمد کا کہنا ہےکہ نواز شریف اپنی ڈیل اور ہماری اسٹیبلشمنٹ سے لڑائی چاہتا ہے۔

سابق وزیرداخلہ شیخ رشید احمد نے سوشل میڈیا پر جاری اپنے پیغام میں کہاکہ نواز شریف اپنے لیےریلیف چاہتا ہے اورہمارے لیےتکلیف چاہتا ہے۔

انہوں نے کہاکہ رانا ثناءاللہ ذہنی مریض اوراجرتی قاتل ہےجو اداروں کو بے وقار کرنے کی ناکام ناپاک کوشش کرےگا اور رسوا ہوکرگھر جائےگا۔

نواز شریف اپنی ڈیل اور ہماری اسٹیبلشمنٹ سے لڑائی چاہتا ہے۔اپنے لیےریلیف چاہتا ہے اورہمارے لیےتکلیف چاہتا ہے۔رانا ثناءاللہ ذہنی مریض اوراجرتی قاتل ہےجو اداروں کو بےوقار کرنےکی ناکام ناپاک کوشش کرےگا اور رسوا ہوکرگھر جائےگا۔ مسئلہ سیاست نہیں اب ریاست ہے۔نومبر بھاری اورفیصلہ کن ہوگا

Advertisement

— Sheikh Rashid Ahmed (@ShkhRasheed) November 2, 2022

ان کا کہنا ہے کہ مسئلہ سیاست نہیں اب ریاست ہے، نومبر بھاری اورفیصلہ کن ہوگا، 10 نومبر کو بھرپور حکمت عملی کےساتھ عمران خان کا لانگ مارچ راولپنڈی پہنچےگا، راولپنڈی کاعظیم الشان تاریخی استقبال فیصلہ کن ہوگا۔

شیخ رشید کا مزید کہنا ہے کہ نہ گندم،نہ گیس،نہ ایل پی جی ہے، 30 فیصد مہنگائی بڑھ گئی ہے، ڈیفالٹ زدہ حکومت کاگند اٹھانا آسان کام نہیں،اگر فیصلہ لوگوں نےاپنےہاتھ میں لےلیا توفیصلہ کچھ بھی ہوسکتاہے۔

عمران خان کی زیر قیادت ’حقیقی آزادی مارچ‘ چھٹے دن میں داخل

چیئرمین تحریک انصاف عمران خان کی زیر قیادت حقیقی آزادی مارچ چھٹے دن میں داخل ہوگیا۔

تحریک انصاف کے حقیقی آزادی لانگ مارچ کا آج چھٹا روز ہے، لانگ مارچ کا آغاز پنڈی بائی پاس گوجرانوالہ سے ہوگا، جس کی قیادت چیئرمین پی ٹی آئی عمران خان کریں گے۔

لانگ مارچ کے روٹ پر مختلف مقامات پر استقبالیہ کیمپ لگا دیے گئے ہیں ، گکھڑ پہنچنے پر سابق وزیراعظم عمران خان کارکنوں سے خطاب کریں گے۔

Some scenes from the massive & charged crowds that turned out throughout Gujranwala yesterday seeking justice which is a critical part of our Haqeeqi Azadi struggle. pic.twitter.com/I3yPmCTo1F

— Imran Khan (@ImranKhanPTI) November 2, 2022

گذشتہ روز تحریک انصاف نے حقیقی آزادی مارچ کا نیا شیڈول جاری کیا تھا، جس کے تحت تحریک انصاف کا مارچ اتوار کے روز جہلم پہنچے گا۔

According to new schedule of Haqeeqi Azadi March , we will be in Rawalpindi on 10th November, while on 11th convoys from every part of Pakistan will reach Islamabad. #حقیقی_آزادی_لانگ_مارچ pic.twitter.com/sPMlssLxI2

— PTI (@PTIofficial) November 2, 2022

حقیقی آزادی مارچ رکنے والا نہیں، الیکشن کی تاریخ تک یہ تحریک چلتی رہے گی، عمران خان

سابق وزیراعظم عمران خان کا کہنا ہے کہ ہمارا حقیقی آزادی مارچ رکنے والا نہیں اور الیکشن کی تاریخ تک یہ تحریک چلتی رہے گی۔

بول نیوز کی نیوز اینکر ڈاکٹر فضا سے خصوصی گفتگو کرتے ہوئے چیئرمین پی ٹی آئی عمران خان نے کہا کہ ارشد شریف کے قتل سے بڑا کوئی ظلم نہیں، وہ صحافت کا اثاثہ تھے اور مجھے کسی کا خوف نہیں۔

عمران خان کا کہنا تھا کہ  چوروں کو مسلط کیا گیا اور عوام کو کہا گیا کہ ان کو تسلیم کرو، چوروں کی غلامی سے موت بہتر ہے اور عوام نے فیصلہ کرلیا ہے کہ انہیں آزادی چاہیے۔

ایک سوال کے جواب میں سابق وزیراعظم نے کہا کہ پر امن احتجاج ہمارا حق ہے، 25 مئی کو پرامن احتجاج پر تشدد کیا گیا لیکن اس بار رانا ثنااللہ کو تشدد کا موقع نہیں ملے گا جب کہ حقیقی آزادی مارچ رکنے والا نہیں ہے ، الیکشن کے اعلان تک تحریک چلتی رہے گی۔

عمران خان نے مزید کہا کہ حکومت گھبرائی ہوئی ہے، 37 میں سے 29 الیکشن ہم جیت چکے ہیں، یہ سب ملک کر بھی پی ٹی آئی کا مقابلہ نہیں کرسکتے جب کہ پارلیمانی نظام کو چلانے کے لیے اخلاقیات ضروری ہیں، انگلینڈ میں کوئی لوٹا نہیں ہوتا اور وہاں منڈیاں نہیں لگتیں۔

چیئرمین پی ٹی آئی نے کہا کہ فوج کو مضبوط دیکھنا چاہتا ہوں، نقصان نہیں کرنا چاہتا کیوں کہ اداروں کے ساتھ اختلافات سے بھارت خوش ہوگا۔ انہوں نے کہا کہ میرے پاس نوازشریف کا ٹوئٹ پڑھنے کا وقت نہیں ہے۔