وزیر خزانہ اسحاق ڈار سے چینی سفیر رونگ نونگ کی ملاقات ہوئی ہے۔

ملاقات میں وزیر خزانہ اسحاق ڈار نے جمہوریہ چین کے سفیر کا خیرمقدم کیا اور دونوں ممالک کے درمیان دیرینہ اور مضبوط دوستانہ تعلقات کو سراہا۔

ملاقات میں دوطرفہ تعلقات کو  مزید وسعت دینے کے مواقع پر غور کیا گیا جبکہ چینی سفیر نے حکومت کی جانب سے مالیاتی اور اقتصادی استحکام کیلئے پالیسی اقدامات کی تعریف کی اور چین کی جانب سے پاکستان کو مسلسل تعاون کا یقین بھی دلایا۔

یہ بھی پڑھیں؛ وزیر خزانہ اسحاق ڈار کی زیر صدارت ایکنک کا اجلاس

اس موقع پر چینی سفیر رونگ نونگ نے کہا کہ چین کی حکومت پاکستانی عوام کے ساتھ کھڑی ہے اور ہر قسم کی مدد فراہم کرنے کو تیار ہے جبکہ وزیر خزانہ اسحاق ڈار نے چین کے مسلسل تعاون اور معاونت پر شکریہ بھی ادا کیا۔

یہ بھی پڑھیں؛ پاکستان انڈونیشیا کے ساتھ اپنے تعلقات کو بہت اہمیت دیتا ہے، اسحاق ڈار