ترجمان وزیر اعلیٰ پنجاب فیاض الحسن چوہان نے کہا ہے کہ عمران خان کو پارٹی چیئرمین شپ سے ہٹانے کی سازش ناکام ہوگی۔

تحریک انصاف کے رہنما فیاض الحسن چوہان نے عمران خان کی تاحیات نااہلی کی درخواست پر اپنے جاری کردہ بیان میں کہا کہ کچھ عقل کے اندھے نواز شریف کے فیصلے کو بنیاد بنا کر عمران خان کو تاحیات نااہل کرنے کے خواب دیکھ رہے ہیں۔

فیاض الحسن نے کہا کہ نواز شریف اور عمران خان کے فیصلوں میں زمین وآسمان کا فرق ہے، نواز شریف کو تاحیات نااہلی کی بنیاد پر پارٹی صدارت سے نااہل کیا گیا تھا اور عمران خان کو صرف ایک دفعہ سیٹ سے نااہل کیا گیا ہے۔

وزیر اعلیٰ پنجاب ترجمان کے ترجمان کا کہنا تھا کہ  عمران خان کو پارٹی چیئرمین شپ سے ہٹانے کی سازش ناکام اور نامراد ہوگی۔

انہوں نے کہا کہ عمران خان کو حقیقی آزادی کی جدوجہد سے پیچھے ہٹانے کے لئے امپورٹڈ حکومت ہر قسم کے ہتھکنڈے استعمال کر چکی ہے، اس بار بھی عمران خان کو پارٹی چیئرمین شپ سے ہٹانے کا ڈھکوسلا ناکام و نامراد ہوگا۔

فیاض الحسن نے مزید کہا کہ پاکستانی عوام عمران خان کو اپنا لیڈر مانتی ہے اور اسے دوبارہ اپنا وزیراعظم دیکھنا چاہتی ہے، تیرہ گیدڑوں کی جماعت پی ڈی ایم عمران خان کا عوامی میدان میں مقابلہ نہیں کر سکتی۔

الیکشن کمیشن کی عمران خان کو پارٹی چیئرمین شپ سے ہٹانے کی کارروائی شروع

خیال رہے کہ توشہ خانہ ریفرنس میں الیکشن کمیشن کی جانب سے عمران خان کو پارٹی چیئرمین شپ سے ہٹانے کی کارروائی شروع کردی گئی۔

 الیکشن کمیشن بااختیار نہیں بلکہ شہبازسرکار کے اشاروں پر چلتا ہے، پی ٹی آئی چیئرمین عمران خان کی توشہ خانہ ریفرنس میں نااہلی کے بعد الیکشن کمیشن ایک قدم اور آگے چلا گیا ۔

عمران خان کے خدشات درست ثابت ہونے لگے، عمران خان کو پارٹی چیئرمین شپ سے ہٹانے کی کارروائی شروع کردی گئی، الیکشن کمیشن پی ٹی آئی چیئرمین کی توشہ خانہ ریفرنس میں نااہلی پر اگلی کارروائی شروع کرے گا۔

ن لیگی رہنماؤں نے دعویٰ کیا تھا کہ الیکشن کمیشن عمران خان کونااہل قرار دیکر پارٹی سربراہی سے ہٹائے گا۔

الیکشن کمیشن نے چیئرمین پی ٹی آئی عمران خان کو پارٹی سربراہی سے ہٹانے کا نوٹس جاری کردیا ہے اور الیکشن کمیشن نے پارٹی چیئرمین شپ کیس 13 دسمبر کو مقرر کردیا ہے۔

ن لیگی رہنماؤں نے دعویٰ کیا تھا کہ الیکشن کمیشن عمران خان کونااہل قرار دیکرپارٹی سربراہی سے ہٹائے گا جبکہ الیکشن کمیشن دسمبر کے دوسرے ہفتے میں کارروائی کرے گا۔