وزیر بلدیات ناصر شاہ نے پنجاب اسمبلی میں توسیع کے حوالے سے اپنے ایک بیان میں کہا کہ پنجاب کابینہ میں توسیع سے عمران کے اسمبلی توڑنے والے بیانہ کا جنازہ نکل گیا ہے۔

انہوں نے کہا کہ عمران ایسے دعوے کیوں کرتا ہے جس کا بوجھ ان کی اپنی پارٹی اور اتحادی بھی اٹھانے کو تیار نہیں۔

وزیر بلدیات کا کہنا تھا کہ ایک طرف اقتدار کی حوس اور دوسری طرف منافقانہ تریقے سے اسمبلی توڑنے کا اعلان سیاسی پسماندگی ہے۔

ان کا یہ بھی کہنا تھا کہ اگر عمران ضد اور انا کی سیاست کرتا رہا تو وہ دن دور نہیں جب پی ٹی آئی ان سے لاتعلقی کا اظہار کریگی۔

انہوں نے کہا کہ معیشیت کی بھلائی، جمہوریت کے استحکام اور پارلیامینٹ کی مظبوتی کے لیے پی ٹی آئی غیر مشروط قومی اسمبلی میں واپس جائے۔

وزیر بلدیات ناصر شاہ نے مزید کہا کہ تمام مسائل کا حل پارلیامینٹ میں بیٹھ کر کلیکٹو وزڈم یا اجتماعی ذہانت میں موجود ہے۔