گورنر سندھ کامران خان ٹیسوری نے کہا ہے کہ ہر شخص کو برابری کے ساتھ زندگی گزارنے کا حق حاصل ہے۔

تفصیلات کے مطابق گورنر سندھ کامران خان ٹیسوری نے دیوا اکیڈمی کی تقریب سے خطاب کرتے ہوئے کہا کہ دیوا اکیڈمی 57 سال سے منظم اور متحرک انداز میں کام کر رہی ہے۔

انہوں نے کہا کہ دنیا میں ہر شخص کو برابری کے ساتھ کو زندگی گزارنے کا حق حاصل ہے جبکہ صاحب استطاعت کا فرض ہے کہ ان لوگوں کی مدد کریں جنہیں نعمتیں میسر نہیں ہیں۔

ان کا کہنا تھا کہ خصوصی بچوں کو زندگی میں ہر سطح پر برابری کے مواقع فراہم کرنا ضروری ہے جبکہ نصابی و غیر نصابی سرگرمیوں میں شریک کرنے سے ان کی صلاحیتوں میں اضافہ کیا جاسکتا ہے اور اس طرح انہیں معاشرے کا بہتر شہری بنا جاسکتا ہے۔

کامران ٹیسوری نے کہا کہ نئی نسل کو تمام تر مشکالات سے مقابلہ کرنے کے لیے تیار کرنے سے قومیں ترقی کرتی ہیں۔

انہوں نے کہا کہ انسانیت کی خدمت کی جدوجہد میں آپ کے ہم قدم ہوں جبکہ گورنر ہاؤس آپ کے اس مقصد کو بڑھانے کے لئے آپ کے ساتھ ہے.

   گورنر سندھ کامران خان ٹیسوری نے مزید کہا کہ نوجوانوں کو برابری کے مواقعوں کے ساتھ ریاست کی پذیرائی کا بھی خواہش مند ہوں۔