خرم دستگیر نے کہا ہے کہ اگلے تین سالوں میں ہم 10 ہزار میگاواٹ بجلی سولر سے فراہم کرینگے۔

تفصیلات کے مطابق وفاقی وزیر توانائی خرم دستگیر نے ایک تقریب سے خطاب کرتے ہوئے کہا کہ شمالی ، مغربی اور جنوبی بجلی کی تقسیم کار کمپنیاں بحران کا شکار ہے۔

خرم دستگیر نے کہا کہ پاکستان کے پانچ ڈسکوز میں بحران ہے، پانچ ڈسکوز میں گورننس کے مسائل ہے، مسائل کو حل کرنے کے لیے پلان جمع کر لئے ہیں، کوشش کرتے ہیں کہ مسائل حل ہوں۔

وفاقی وزیر توانائی نے یہ بھی کہا کہ چوری کو روکنے اور لوگوں کے بلوں کو درست کرنے کے لیے ہم اقدامات کررہے ہیں، جنوری میں 600 میگاواٹ سولر کی بڈنگ ہو جائے گی۔

ان کا کہنا تھا کہ سولر کے تمام تر کاغذات تیار ہے صرف نیپرا کا انتظار ہے، اگلا منصوبہ 9 ہزار 400 میگاواٹ کا ہوگا اور اس میں آسانی ہوگی۔

وفاقی وزیر توانائی انجینئر خرم دستگیر کا مزید کہنا تھا کہ سولر کے تمام قانونی تقاضے مکمل ہے، اگلے تین سالوں میں ہم 10 ہزار میگاواٹ بجلی سولر سے فراہم کرینگے۔