حکومت پاکستان نے امریکہ میں پرانے سفارت خانے کی تاریخی عمارت فروخت کرنے کا فیصلہ کرلیا۔

ذرائع کے مطابق  وزارت خارجہ نے پاکستانی سفارت خانے کو فروخت کرنے کی ہدایات جاری کر دیں۔

ذرائع کا کہنا ہے کہ موجودہ معاشی صورتحال کے باعث عمارت کو فروخت کرنے کا فیصلہ کیا گیا۔پرانے پاکستانی سفارتخانے کی عمارت کی موجودہ مالیت پانچ سے چھ ملین ڈالرز ہے۔

رئیل اسٹیٹ بروکرز کا کہنا ہے کہ ایسی عمارتوں کو فروخت نہیں بلکہ قومی اثاثے کے طور پر رکھا جاتا ہے، واشنگٹن میں ڈھونڈنے سے بھی ایسی عمارتیں اب خریدنے کے لیے دستیاب نہیں ہیں۔

واضح رہے کہ پرانے پاکستانی سفارتخانے کی عمارت واشنگٹن کے دل میں واقع ہے۔واشنگٹن ڈی سی کی بہترین لوکیشن میں عمارت 20 سال سے خالی پڑی ہے۔