اپوزیشن لیڈر پنجاب حمزہ شہباز شریف نے کہا ہے کہ اسمبلیاں توڑنا کوئی کھیل نہیں کہ جب جی چاہا توڑ دیں۔

تفصیلات کے مطابق چیئرمین پی ٹی آئی عمران خان کے اسمبلیاں تحلیل کرنے کے اعلان پر اپوزیشن لیڈر پنجاب حمزہ شہباز شریف نے رد عمل دیتے ہوئے اپنے ایک بیان میں کہا اسمبلیاں توڑنا کوئی کھیل نہیں ہے کہ جب جی چاہا توڑ دیں، عمران نیازی پچھلے کئی ماہ سے پاکستان کو سیاسی اور معاشی عدم استحکام سے دوچار کرنے کے مشن پر ہے جبکہ اداروں اور انکے سربراہان پر جھوٹے الزامات لگا کر اپنی نااہلیوں پر پردہ ڈالنے کی ناکام کوشش بھی کی ہے۔

یہ بھی پڑھیں؛ اسمبلیاں ٹوٹنے کا اعلان؛ وزیر اعظم نے کل ن لیگ کا اجلاس طلب کر لیا

انہوں نے کہا کہ عمران خان کی ہر چال کا سیاسی، آئینی اور قانونی جواب دیا جائے گا۔

اپوزیشن لیڈر پنجاب حمزہ شہباز شریف نے مزید کہا کہ مسلم لیگ ن عوام کی طاقت پر بھروسہ کرنے والی جماعت ہے اور ہم الیکشن کے لئے ہر دم تیار ہیں لیکن ایک شخص کی انا کی تسکین کے لئے اٹھائے قدم کا بھرپور راستہ روکا جائے گا۔

یہ بھی پڑھیں؛ عمران خان کا 23 دسمبر کو پنجاب اور خیبرپختونخوا اسمبلی تحلیل کرنے کا اعلان