اسپیکر سندھ اسمبلی آغا سراج درانی نے کہا ہے کہ ان پر چلنے والے کیس کو چار برس ہوگئے ہیں لیکن اس میں اب تک کوئی پیش رفت نہیں ہوئی ہے جو کہ اس بات کا ثبوت ہے کہ ہ نیب کا ادارہ فیل ہوچکا ہے۔

تفصیلات کے مطابق اسپیکر سندھ اسمبلی آغا سراج درانی نے احتساب عدالت میں غیر رسمی گفتگو کرتے ہوئے کہا کہ متعلقہ عدالت کی جج ریٹائر ہوچکی ہیں  اور اب 22 دسمبر کی تاریخ ملی ہے ۔

انہوں نے کہا کہ نیب کو تو ختم ہو جانا چاہیئے لیکن دیکھیں کیا ہوتا ہے  لیکن میرے سب جیل میں ہوتے ہوئے پروٹوکول لینے کی بات غلط ہے  اور جو بلٹ پروف گاڑی میں استعمال کرتا ہوں وہ اس عہدے کے زیر استعمال کے لئے ہی ہے۔

انہوں نے نئے انڈمنسٹریٹر کراچی کے حوالے سے اپنے خیالات کا اظہار کرتے ہوئے کہا کہ وہ ایک اچھے آدمی ہیں ،پہلے بھی مختلف محکموں اور عہدوں پر کام کیا ہے اورسمجھتا ہوں ایڈمنسٹریٹر ڈاکٹر سیف الرحمان بہتر انتخاب ہیں ۔

خیال رہے کہ اسپیکر سندھ اسمبلی آغا سراج درانی و دیگر کے خلاف آمدن سے زائد اثاثے بنانے کے ریفرنس کی سماعت کے لئے آغا سراج درانی و دیگر ملزمان عدالت میں پیش ہوئے۔

سماعت کے دوران عدالتنے ریمارکس دیئے کہ ریفرنس کے شریک ملزم کی جانب سے کیس دوسری کورٹ منتقل کرنے کی درخواست سندھ ہائیکورٹ دائر کی گئی ہے تاہم جب تک سندھ ہائیکورٹ سے اس درخواست پر فیصلہ نہیں ہوتا درخواست ضمانت کیسے سنے گے۔

بعدازاں عدالت نے آغا سراج درانی کی درخواست ضمانت پر سماعت 22 دسمبر تک ملتوی کردی۔