رہنما پی ٹی آئی علی زیدی نے کہا ہے کہ ملک کو بحرانوں سے نکالنے کے لیے عام انتخابات ناگزیر ہو چکے ہیں۔

سماجی رابطے کی ویب سائٹ پر اپنے ایک پیغام میں علی زیدی نے کہا کہ ملک پر قابض کرپٹ اشرافیہ نے ملک کو مسائل کی دلدل میں دھکیل دیا ہے، یہ اشرافیہ خود کو آئین اور قانون سے بالاتر سمجھتے ہیں۔

ملک کو بحرانوں سے نکالنے کے لیے عام انتخابات ناگزیر ہو چکے ہیں، کرپٹ اشرافیہ نے ملک کو مسائل کی دلدل میں دھکیل دیا ہے، یہ خود کو آئین اور قانون سے بالاتر سمجھتے ہیں، امپورٹڈ حکمرانوں نے عوام کے حقوق سلب کیے ہوئے ہیں۔ ہم کسی صورت اس ملک کو لٹیروں کے رحم و کرم پر نہیں چھوڑ سکتے۔

— Ali Haider Zaidi (@AliHZaidiPTI) December 17, 2022

یہ بھی پڑھیں: امپورٹڈ حکومت نے انتقام کی ساری حدیں پار کردی ہیں، علی زیدی

انہوں نے کہا کہ امپورٹڈ حکمرانوں نے عوام کے حقوق سلب کیے ہوئے ہیں لیکن ہم کسی صورت اس ملک کو لٹیروں کے رحم و کرم پر نہیں چھوڑ سکتے ہیں۔

رہنما پی ٹی آئی کا کہنا تھا کہ غیر جمہوری حکومت سے ملک میں استحکام نہیں آ سکتا  اور پی ڈی ایم کو خوف ہے الیکشن کرائے گئے تو پی ٹی آئی جیت جائے گی، یہ ایک فیصلہ کن مرحلہ ہے، عوام عمران خان کے ساتھ کھڑی ہے۔

 یہ بھی پڑھیں: کراچی میں میئر صرف پی ٹی آئی کا ہوگا، علی زیدی

ان کا کہنا تھا کہ عمران خان ان چوروں کے لئے ڈراؤنا خواب بن چکا ہے، قوم حوصلہ رکھے، کرپٹ حکمرانوں کے آخری دن چل رہے ہیں۔

رجیم چینج سازش نے 8 ماہ میں ملک کو نقصان پہنچایا ہے، فرخ حبیب

علاوہ ازیں رہنما پی ٹی آئی فرخ حبیب نے کہا کہ رجیم چینج سازش نے 8 ماہ میں ملک کو وہ نقصان پہنچایا ہے جو شائد کوئی دشمن بھی نہ پہنچا سکے جس کی وجہ سے معیشت سے منسلک تمام شعبے تباہ برباد ہوگے ہیں۔

انہوں نے بتایا کہپاکستان میں براہ راست سرمایہ کاری 50% کم ہوئی ہے، جبکہ شہباز ذرداری صرف اپنےاین ار او 2 کے تحفظ میں لگے ہے۔