صدر مملکت ڈاکٹر عارف علوی نے کہ خصوصی افراد کی معاشرے میں شمولیت اور انہیں بااختیار بنانے کیلئے ایک جامع منصوبے کی ضرورت ہے۔

تفصیلات کے مطابق صدر عارف علوی کی زیرصدارت ایوانِ صدر میں خصوصی افراد کے حوالے سے اجلاس  ہوا جس میں چیف کمشنر اسلام آباد، وزارت تعلیم، عالمی ادارہ صحت اور ایوانِ صنعت و تجارت کے نمائندوں کی شرکت کی۔

اس موقع پر صدر مملکت نے  ملک میں تمام تعلیمی سہولیات کو خصوصی افراد کی ضروریات کے مطابق بنانے کی ضرورت پر زور  دیا ہے۔

دوران اجلاس صدر مملکت نے کہا کہ خصوصی افراد کی نقل و حرکت اور عوامی سہولیات تک رسائی بہتر بنا کر انہیں معاشرے کا فعال شہری بنایا جا سکتا ہے۔

انہوں نے کہا کہ افراد باہم معذوری کو تعلیم، ہنر اور ملازمتیں فراہم کر کے معاشرے میں شامل کیا جانا چاہیے اور بتایا کہ خصوصی افراد کو معاون ٹیکنالوجیز فراہم کرنے اور ان کی معذوری کے اعتبار سے موزوں ملازمتیں دینے کی ضرورت ہے۔

انہوں نے مزید کہا کہ پاکستان کی آبادی کا 10 سے 15 فیصد یا تقریباً 22 ملین افراد خصوصی افراد پر مشتمل ہے، خصوصی افراد کی اتنی بڑی آبادی کو قیمتی اثاثے میں بدلا جا سکتا ہے۔

صدر مملکت کا کہنا تھا کہ سرکاری اور نجی شعبوں کے متعلقہ ادارے خصوصی افراد کی ضروریات کو مدنظر رکھتے ہوئے موجودہ قوانین پر نظرثانی کیلئے مل کر کام کریں۔

ان کا کہنا تھا کہ متعلقہ ریگولیٹری اتھارٹیز کو تمام سرکاری اور نجی عمارتوں، انفراسٹرکچر، سکولوں اور صحت کی سہولیات کا ایک جامع اور مستند آڈٹ کرنے کے لیے طرح تیار رہنا چاہیے، تمام تعلیمی اور تربیتی اداروں کی خصوصی افراد کو داخلے دینے کیلئے حوصلہ افزائی کی جانی چاہیے ۔

انہوں نے کہا کہ دسمبر کا پورا مہینہ خصوصی افراد کے مہینے کے طور پر منایا جانا چاہیے  اور ہدایات جاری کین کہسرکاری اور نجی شعبے کے ادارے خصوصی افراد کے حقوق کے بارے میں شعور بیدار کرنے کیلئے آگاہی مہم چلائیں۔