فیٹف گرے لسٹ سے نکلنے کے بعد بھی پاکستان کے اقدامات جاری ہیں۔

ذرائع کے مطابق  پاکستان نے منی لانڈرنگ سے متعلق جنوبی افریقہ کے ساتھ ایم او یو کرنے کا فیصلہ کیا ہے۔  دہشت گردوں کی مالی معاونت روکنے  کے لیے معلومات کا تبادلہ بھی ایم او یو کا حصہ ہے۔

ذرائع کا کہنا ہے کہ کابینہ نے جنوبی افریقہ کے ساتھ ایم او یوکی منظوری دے دی۔ وفاقی کابینہ سے سمری کی سرکولیشن کے ذریعے منظوری لی گئی۔

مزید پڑھیں: فیٹف میں پاکستان کی کامیاب حکمت عملی، بھارت دنیا میں تنہا رہ گیا

ذرائع کا کہنا ہے کہ فنانشل مانیٹرنگ یونٹ اور فنانشل انٹیلی جنس سینٹر ایم او یو پر دستخط کریں گے۔ ایم او یو کے تحت منی لانڈرنگ کیسز سے متعلق فنانشل انٹیلی جنس کا تبادلہ ہو گا۔

ذرائع کا مزید کہنا ہے کہ دہشت گردی کی فناننسگ کے حوالے سے بھی معلومات کا تبادلہ کیا جائے گا۔

مزید پڑھیں: کوشش کریں گے پاکستان بھی فیٹف کا حصہ بنے، بلاول بھٹو

ذرائع کے مطابق وزارت قانون و انصاف سے ایم او یو کے مسودے کی توثیق کروائی جاچکی ہے جبکہ وزارت خارجہ سے بھی مفاہمت کی یادداشت سے متعلق این او سی حاصل کیا جاچکا ہے۔