چیئرمین پیپلز پارٹی و وزیر خارجہ بلاول بھٹو زرداری نے کہا ہے کہ کل ہم شہید محترمہ بے نظیر بھٹو کی 15ویں یوم شہادت منائیں گے۔

تفصیلات کے مطابق بلاول بھٹو نے محترمہ بینظیر بھٹو کی برسی کے موقع پر سماجی رابطے کی ویب سائٹ ٹوئٹر پر ویڈیو پیغام جاری کیا جس میں ان کا کہنا تھا کہ کل ہم شہید محترمہ بے نظیر بھٹو کی 15ویں یوم شہادت منائیں گے، میں کل اپنی تقریر میں ان کو یاد کروں گا اور اس کے علاوہ خارجہ، معاشی اور دہشت گردی کی سطح پر مسائل پر بھی بات کروں گا۔

ضرور پڑھیں؛ پاک برطانیہ باہمی تعلقات مزید مضبوط ہورہے ہیں، بلاول بھٹو

بلاول بھٹو نے کہا کہ میں آپ کو دعوت دیتا ہوں کہ گڑھی خدا بخش آئیں اور شہید محترمہ بے نظیر بھٹو کو ان کے 15ویں یوم شہادت پر خراج عقیدت پیش کریں کیونکہ انہوں نے ہی ہمیں صحیح طور پر سکھایا کہ عوام کی خدمت کیسے کرنی ہے۔

چیئرمین پی پی کا یہ کہنا تھا کہ شہید محترمہ بے نظیر بھٹو نے ہمیں سکھایا کہ سیاستدان بن کر چند مراعات یافتہ کے لئے نہیں بلکہ سب کے لئے کوشش کرنا ہے۔

Reached Larkana, tomorrow we will pay tribute to Shaheed Mohtarma Benazir Bhutto on her 15th martyrdom anniversary.We draw inspiration from her heroic struggle vs. dictatorship & extremism. She taught us to serve the people, to strive for a #PakistanforAll not just privileged few pic.twitter.com/CUeejcaL4c

— BilawalBhuttoZardari (@BBhuttoZardari) December 26, 2022