گورنر سندھ کامران خان ٹیسوری کی اسلام آباد میں وزیر اعظم پاکستان شہباز شریف سے ملاقات ہوئی ہے۔

ملاقات میں ملک کی مجموعی سیاسی صورتحال، صوبہ کے ترقیاتی منصوبوں، عوام کی فلاح و بہبود کے اقدامات اور سیلاب متاثرین کی بحالی کی کوششوں سمیت دیگر امور پر تبادلہ خیال کیا گیا۔

اس موقع پر گورنر سندھ کامران خان ٹیسوری نے کہا کہ صوبہ کی تعمیر و ترقی میں وفاق کا کردار اہم ہے جبکہ صوبہ کے مسائل حل کرنے کے لئے تمام اسٹیک ہولڈرز سے بھی مشاورت کی جارہی ہے۔

گورنر سندھ کامران خان ٹیسوری نے مزید کہا کہ وفاق کے ترقیاتی منصوبوں سےانفرانسٹرکچر میں بہتری آئے گی۔

اس دوران ملاقات میں وزیر اعظم شہباز شریف نے کہا کہ گورنر سندھ کی صوبہ کی ترقی کے لئے تمام اسٹیک ہولڈرز سے مشاورت خوش آئند ہے۔

اس موقع پر ایم کیو پاکستان کے سربراہ ڈاکٹر خالد مقبول صدیقی اور سابق میئر وسیم اختر بھی موجود تھے۔