پاکستان تحریک انصاف کے سینئر رہنما و سابق رکن قومی اسمبلی فرخ حبیب نے کہا ہے کہ عمران خان نے توشہ خانہ سے جو تحائف لیے وہ قانون کے مطابق قیمت ادا کر کے حاصل کئے۔

سماجی رابطے کی ویب سائٹ ٹوئٹر پر جاری کردہ ویڈیو پیغام میں مرکزی سیکرٹری اطلاعات فرخ حبیب نے الزامات کا مفصل جواب دیتے ہوئے کہا کہ عمران خان نے بطور وزیر اعظم بیرون ممالک سے ملنے والے کچھ تحائف قانون کے مطابق قیمت ادا کر کے حاصل کیے، کابینہ ڈویژن کی ایک آزادانہ کمیٹی بیرون ممالک سے ملنے والے تحائف کی قیمتوں کا تعین کرتی ہے۔

مزید پڑھیں؛ نئے انتخابات کی پاکستان کو شدید ضرورت ہے، فرخ حبیب

عمران خان نے توشہ خانہ سے جتنے تحائف لئے وہ ان کے اثاثوں میں ڈکلیئرڈ ہیں

فرخ حبیب نے کہا کہ عمران خان نے توشہ خانہ سے جتنے تحائف لئے وہ ان کے اثاثوں میں ڈکلیئرڈ ہیں، ان کو بطور کرکٹر پلاٹ تحفے میں ملے جو کہ انہوں نے شوکت خانم ہسپتال کو عطیہ کر دیے، نواز شریف اور زرداری توشہ خانہ سے مرسڈیز اور بی ایم ڈبلیو گھر لے کر گئے تھے جبکہ یوسف رضا گیلانی نے توشہ خانہ سے ہار چوری کیا تھا۔

نواز شریف کے دور میں توشہ خانہ کے حوالے سے معلومات کی فراہمی کو خفیہ رکھا جاتا تھا

انہوں نے اپنے ٹوئٹر پیغام میں کہا کہ نواز شریف کے دور میں توشہ خانہ کے حوالے سے معلومات کی فراہمی کو خفیہ رکھا جاتا تھا۔ زرداری پر اومنی گروپ کیس، سرے محل کا کیس، کوٹیکنا کیس، آبدوزوں کے کیس موجود ہیں۔ شریف خاندان پر حدیبیہ پیپر ملز، رمضان شوگر ملز کیس، ایون فیلیڈ اپارٹمنٹس کا کیس، ٹی ٹی سکینڈل بن چکے ہیں جبکہ سلیمان شہباز جو کک بیک اسپیشلسٹ ہے، وہ بھی عمران خان پر گھٹیا گفتگو کر رہا ہے۔

یہ بھی پڑھیں؛ ملکی معیشت ڈیفالٹ کے قریب پہنچ چکی ہے، فرخ حبیب

ویڈیو بیان میں ان کا مزید کہنا تھا کہ وزارتِ اطلاعات کو امپورٹڈ حکومت نے عوام کے ٹیکس کے پیسے کا دو ارب روپیہ عمران خان کے خلاف مہم چلانے کے لیے دیے ہیں۔

توشہ خانہ سےعمران خان نےجو تحائف لئے وہ قانون کے مطابق قیمت ادا کرکے حاصل کئے، کابینہ ڈویژن کی اپنی آزاد کمیٹی ہے جو تحائف کی قیمتوں کا تخمینہ لگاتی ہے۔

Advertisement

قانون کے مطابق ملی توشہ خانہ سے گاڑی نہیں لےسکتے
نواز ذرداری مرسڈیزBMWگھر لےگےتھے۔ @FarrukhHabibISF
pic.twitter.com/ySmEoMGJpL

— PTI (@PTIofficial) December 15, 2022