چیئرمین سینیٹ صادق سنجرانی نے بھی نریندر مودی کو گجرات کا قصائی قرار دے دیا۔

تفصیلات کے مطابق اپنے ایک بیان میں چیئرمین سینیٹ صادق سنجرانی نے بھارتی شدت پسند رہنما کی طرف سے بلاول بھٹو زرداری کے سر کی قیمت لگانے کی شدید مذمت کی ہے۔

صادق سنجرانی نے کہا کہ بی جے پی کے لیڈر کا یہ بیان مودی سرکار کے خلاف اس بات کی تصدیق کی کہ وہ واقعی گجرات کا قصائی ہے۔

مزید پڑھیں؛ چیئرمین سینیٹ کے خلاف تحریک عدم اعتماد لانے کا فیصلہ

انہوں نے یہ بھی کہا کہ مہذب معاشرے میں ایسے خیالات اور نظریات کی کوئی گنجائش نہیں، مودی کے ہاتھ آج بھی معصوم لوگوں کے خون سے رنگے ہوئے ہیں۔

صادق سنجرانی کا کہنا تھا کہ اقوام عالم ان ریمارکس کا نوٹس لے اور عالمی قوانین کے تحت ایکشن لیا جائے۔

چیئرمین سینیٹ صادق سنجرانی کا مزید کہنا تھا کہ مودی سرکار کے مظالم سے دنیا بخوبی واقف ہے، آج مقبوضہ وادی بھی جیل کی شکل اختیار کر چکی ہے۔