پیپلز پارٹی کے رہنما امتیاز شیخ کا کہنا ہے کہ سندھ کے پاس پورے ملک کے انرجی کرائسس کا حل موجود ہے۔

صوبائی وزیر توانائی سندھ امتیاز شیخ نے کراچی میں سلوشنز فیکٹری کی گولڈ ونڈ لانچ تقریب سے خطاب کرتے ہوئے کہا کہ ونڈ انرجی پر کام جاری ہے، 2013 سے سندھ حکومت اس پر کام کر رہی ہے۔

انہوں نے کہا کہ کول اور ونڈ سے انرجی پیدا کی جارہی ہے یہ پاکستان میں انرجی کا حب ہے۔ سندھ کے پاس پورے ملک کے انرجی کرائسس کا حل موجود ہے، ہم ایشو کو دیرپا تک حل کر سکتے ہیں۔

امتیاز شیخ نے کہا کہ سیلوشن فیکٹری اسپرے پارٹس کے لیے کام کررہی ہے، سپرا نیپرا جیسا اپنا سپرا بنا رہی ہے، جس کا بل سندھ اسمبلی میں پیش کریں گے۔

‘نئے پروجیکٹس سے 800 سے زیادہ بجلی پیدا کریں گے’

انکا کہنا ہے کہ 2000 میگا ووٹ بجلی پیدا کررہے ہیں اور نئے پروجیکٹس سے 800 سے زیادہ بجلی پیدا کریں گے، شنگھائی الیکڑک کی جانب سے تھر میں 1320 میگا واٹ کا پروجیکٹ لگے ہیں، اینگرو اور کئی ادارے سامنے آ رہے ہیں، ہم آپ سے امید کرتے ہیں آپ وہ ٹارگیٹ پورے کریں گے۔

‘ہمیں امید ہے مزید کمپنیاں آئیں گی’

صوبائی وزیر نے کہا کہ ہمیں امید ہے مزید کمپنیاں بھی آئیں گی، جن کو سندھ حکومت ویلکم کرتی ہے، سندھ حکومت سب کو سپورٹ کرے گی اور سہولیات فراہم کرے گی۔

انہوں نے کہا کہ گیس کے حوالے سے ہم نے پہلے بھی آواز اٹھائی ہے، سندھ میں کہا جارہا ہے گیس کم ہوگئی ہے، سات سے آٹھ ایم ایم سی ایف ڈی مل رہی ہے۔

امتیاز شیخ نے مزید کہا کہ عمران خان کو ابھی سمجھ نہیں آرہا ہے، یوٹرن لینا عمران خان کی عادت ہے۔ یہاں ایک ورکشاپ کھولی ہے، ایک سہولیات کا مرکز انہوں نے قائم کیا ہے۔