وزیر صحت قادر پٹیل کی ہدایت پر پی ایم سی جیل میں موجود قیدیوں کے لیے ایم ڈی کیٹ امتحان کا انعقاد کرے گا۔

تفصیلات کے مطابق اس سلسلے میں پاکستان میڈیکل کمیشن نے تمام پبلک سیکٹر یونیورسٹیوں کے وائس چانسلرز کو اگلے سال سے جیلوں میں ایم ڈی کیٹ امتحان منعقد کرنے کی ہدایت جاری کی ہے۔

پی ایم سی نے یونیورسٹیوں کو جیل میں مراکز قائم کرنے کی ہدایت دے کر امیدواروں کے لیے ایم ڈی کیٹ امتحان کے انعقاد کا عمل شروع کیا ہے۔

جیل کا عملہ اور متعلقہ حکام مناسب انتظامات کرکے یونیورسٹیوں کو سہولت فراہم کریں گے جبکہ ایم ڈی کیٹ میں شامل ہونے والے امیدواروں کو مزید تعلیم حاصل کرنے کا موقع بھی فراہم کیا جا سکتا ہے۔

یہ بھی پڑھیں؛ جعلی دوائیاں بنانے والی کمپنیوں کے خلاف کل سے کریک ڈاون شروع کر رہے ہیں، قادر پٹیل

قیدیوں کو تعلیم کے مواقع فراہم کرنے سے اس تصور کو تقویت ملے گی کہ قیدیوں کے کردار کی اصلاح ہوگی۔

تاریخ میں یہ پہلی بار ایسا ہوگا کہ جیلوں میں ایم ڈی کیٹ امتحان کا انعقاد کیا جائے گا جبکہ وفاقی وزارت صحت این ایچ ایس آر اینڈ سی کا وژن یہ ہے کہ جیل میں مستحق اور ذہین بچوں کو ڈاکٹروں، نرسوں اور طب کے کسی بھی شعبے میں تعلیم حاصل کرنے کے مواقع فراہم کیے جائیں۔