وزیر اعظم شہباز شریف نے کہا ہے کہ ہم ہر طرح کی دہشت گردی کے خاتمے کیلئے پرعزم ہیں۔

پاک فوج کے شعبہ تعلقات عامہ (آئی ایس پی آر) کے مطابق وزیر اعظم محمد شہباز شریف نے سی ایم ایچ راولپنڈی میں سی ٹی ڈی کمپلکس بنوں آپریشن کے دوران زخمی ہونے والے افسران اور جوانوں سے ملاقات کی اور ان کی جرات اور بہادری کو خراج تحسین پیش کیا۔

وزیر اعظم نے اس موقع پر کہا کہ شہداء اور ان کے اہل خانہ نے پاکستان کے عوام کے تحفظ اور سلامتی کو یقینی بنانے کے لیے بے پناہ قربانیاں دی ہیں۔

یہ بھی پڑھیں؛ وزیراعظم شہباز شریف کی زیر صدارت توانائی کمیٹی کا اجلاس

شہباز شریف نے کہا کہ ہم پرامن اور مستحکم ماحول کے حصول تک دہشت گردی کی تمام شکلوں، مظاہر سے لڑنے اور دہشت گردوں، ان کے حامیوں اور ہمدردوں کے درمیان گٹھ جوڑ کو توڑنے کے لیے پرعزم ہیں۔

انہوں نے یہ بھی کہا کہ ریاست کی رٹ ہر قیمت پر قائم کی جائے گی اور کسی کو دہشت گردی کے خلاف جنگ میں قوم اور بہادر مسلح افواج کی بے مثال قربانیوں کے ذریعے حاصل کی گئی کامیابیوں کو پٹری سے اتارنے کی اجازت نہیں دی جائے گی۔

مزید پڑھیں؛ مہنگے درآمدی ایندھن کی وجہ سے عام عوام پر بوجھ پڑتا ہے، شہباز شریف