ترجمان وزیراعلیٰ پنجاب مسرت جمشید چیمہ کا کہنا ہے کہ امپورٹڈ حکومت اور انکے حواریوں کے راستے جلد جدا ہونے والے ہیں۔

سماجی رابطے کی ویب سائٹ ٹوئٹر پر اپنے جاری کردہ بیان میں مسرت جمشید چیمہ نے کہا کہ جب بھی الیکشن کا اعلان ہوگا پی ڈی ایم کی جماعتوں کو عبرت ناک شکست ہوگی۔

جب بھی الیکشن کا اعلان ہوگا PDM کی جماعتوں کو عبرت ناک شکست ہوگی. ان چور جماعتوں کو عوامی جذبات کا اندازہ ہے اور اسی لیے ہر ممکن طور پر الیکشن سے بھاگنا چاہتے ہیں. نواز شریف پہلے ہی اپنا پورا خاندان لندن فرار کروا چکا ہے

— Musarrat Cheema (@MusarratCheema) December 4, 2022

انہوں نے کہا کہ موجودہ صورتحال میں ان چور جماعتوں کو عوامی جذبات کا اندازہ ہے، اسی لیے ہر ممکن طور پر الیکشن سے بھاگنا چاہتے ہیں۔

پنجاب حکومت کی ترجمان کا کہنا ہے کہ نواز شریف پہلے ہی اپنا پورا خاندان لندن فرار کروا چکا ہے، شہباز اینڈ پارٹی بھی اب مریم کے ابا جان کی تقلید کر رہی ہے۔

 مسرت جمشید چیمہ نے مزید کہا کہ ابھی تو ان کے وزراء آپس میں دست و گریبان ہونے لگے ہیں، جلد ہی پی ڈی ایم ٹولہ ایک دوسرے کیخلاف بیانات کا بازار گرم کرے گا، امپورٹڈ حکومت اور انکے حواریوں کے راستے جلد جدا ہونے والے ہیں۔

‘نوازشریف اور آصف زرداری کا مفاد ملک میں نہیں’

گزشتہ روز عمران خان نے خیبرپختونخوا پارلیمانی پارٹی کےاجلاس سے خطاب کرتے ہوئے کہا تھا کہ نوازشریف اورآصف زرداری کا پیسہ توملک سے باہر پڑا ہے۔ دیگر ممالک اور ادارے ان کی وجہ سےملک پراعتماد نہیں کررہے۔ جب ان کو لگےگا الیکشن نہیں جیت سکتےتوباہربھاگ جائیں گے، تاخیرکر کے ایساماحول بنانا چاہتے ہیں کہ الیکشن جیت جائیں۔

چیئرمین پی ٹی آئی نے کہا کہ حکمرانوں کے حربوں سے ملک کا نقصان ہورہا ہے۔ 66 فیصد نشستیں خالی ہوں توملک کوعام انتخابات کی طرف جاناپڑےگا، ہم نے فیصلہ کرلیا ہے پنجاب، خیبرپختونخوا اسمبلی تحلیل کرناہے۔ الیکشن میں تاخیر ہوتی ہے تو اس میں بھی پی ٹی آئی کو فائدہ ہوگا۔

عمران خان نے کہا کہ حکمرانوں کی کارکردگی سے لوگ تنگ آگئے ہیں۔ نوازشریف اورآصف زرداری کا مفاد ملک میں نہیں۔ اسحاق ڈاراورشاہد خاقان عباسی ملک سےجہازکےذریعےفرارہوئےتھے۔ لوگوں کو علم ہے پی ڈی ایم نے کیا کرنا ہے

چیئرمین پی ٹی آئی نے خطاب میں کہا کہ موجودہ صورتحال میں ملک میں سیاسی استحکام کی ضرورت ہے۔ کوئی نہیں سمجھتا کہ پاکستان اپنے قرضے واپس کرپائے گا، ان کے وزیرخزانہ آپس میں لڑرہےہیں۔

انہوں نے مزید کہا تھا کہ مفتاح اسماعیل نےکہا اسحاق ڈارملک کوڈیفالٹ کی طرف لے کرجارہا ہے۔ اسحاق ڈار نے کہا کہ مفتاح اسماعیل نے کچھ نہیں کیا۔ اسحاق ڈار نے 5 ملین ڈالر اپنے بچوں کو بھیجے ہیں۔ یہ لوگ حکومت میں صرف اپنے کیسزختم کر آتے ہیں۔ 75 فیصد پاکستانیوں کا مطالبہ ہےکہ الیکشن کرائے جائیں۔