گورنر پنجاب بلیغ الرحمان نے کہا ہے کہ اداروں کی ترقی کے لیے پالیسیوں کا تسلسل بہت ضروری ہے۔

تفصیلات کے مطابق سمٹ میں ہائر ایجوکیشن کو درپیش چیلنجز اور مواقع پر پینل ڈسکشن کا انعقاد کیا گیا  جہاں گورنر پنجاب محمد بلیغ الرحمان نے گورنمنٹ کالج یونیورسٹی میں آل پاکستان اسٹوڈنٹس سوسائٹیز سمٹ میں بطور مہمان خصوصی شرکت کی۔۔

اس موقع پر گورنر پنجاب محمد بلیغ الرحمان نے پینل ڈسکشن کی صدارت کی  اور بتایا کہ ہمیں چارٹر آف اکانومی کرنا چاہیے تاکہ حکومتوں کے آنے جانے سے پالیسز تبدیل نہ ہوں۔

انہوں نے کہا کہ مسائل ہیں لیکن حالات بہتری کی طرف جا رہے ہیں اور پاکستانی یونیورسٹیاں بین الاقوامی درجہ بندی میں بہتر ہو رہی ہیں۔

انہوں نے مزید کہا کہ مسلم لیگ (ن) کے ادوار میں یونیورسٹیوں کی تعداد اور ایچ ایم سی فنڈنگ میں ریکارڈ اضافہ ہوا ہے۔

گونر پنجاب نے کہا کہ ویمن ایجوکیشن اور ویمن ایمپاورمنٹ بہت ضروری ہے جس کے لئے مسلم لیگ( ن ) نے اپنے دور حکومت میں پہلی ویمن یونیورسٹی فاطمہ جناح ویمن یونیورسٹی بنائی تھی۔

ان کا کہنا تھا کہ ریسرچ کو مقامی انڈسٹری کی ضروریات سے ہم آہنگ کرنے کی ضرورت ہے جس کے لئے ضروری ہے کہ طلبا تحقیق کو زندگی کا حصہ بنائیں اور تحقیق ایسی ہونی چاہیے جس سے ملک و قوم کو عملی فائدہ ہو۔