وفاقی وزیر برائے منصوبہ بندی و ترقی احسن اقبال کا کہنا ہے کہ پاکستان ملک کی جیو اکنامکس سے فائدہ اٹھا کر اقتصادی سرگرمیوں کا مرکز بن سکتا ہے۔

تفصیلات کے مطابق  اسلام آباد میں ایک تقریب سے خطاب کرتے ہوئے وفاقی وزیر نے ملک فی کس آمدنی بڑھانے پر توجہ دینے کی ضرورت پر زور دیا ہے۔

یہ بھی پرھیں: نجی شعبے نے سست معاشی سرگرمیوں کے دوران 185 ارب روپے کے قرض واپس کردیے

احسن اقبال نے کہا کہ ہمیں اجتماعی کوششیں کرنا ہوں گی کہ ہم معاشی سیڑھی پر کیسے بڑھ سکتے ہیں۔ انہوں نے کہا کہ یہی وژن تھا جس نے چین پاکستان اقتصادی راہداری منصوبے کی طرف ہمارا سفر شروع کیا۔

وفاقی وزیر نے کہا کہ سابق وزیراعظم نواز شریف کی قیادت میں ہم نے سی پیک کا آغاز کیا اور ہم مختلف ترقیاتی منصوبوں میں 29 ارب ڈالر کی چینی سرمایہ کاری کو بروئے کار لانے میں کامیاب ہوئے۔

یہ بھی پڑھیں: ’ تجارتی کراسنگ پوائنٹس میں اضافے سے معاشی سرگرمیوں کو فروغ حاصل ہوگا ‘