ایڈمنسٹریٹر کی تقرریاں واپس نہ لینے پر  الیکشن کمیشن آف پاکستان  نے سندھ حکومت کو تیسری بار خط لکھ دیا ہے۔

تفصیلات کے مطابق ایڈمنسٹریٹر کی تقرریاں واپس نہ لینے پر مرکزی الیکشن کمیشن نے چیف سیکرٹری کو مراسلہ بھیج دیا۔

ایڈمنسٹریٹرز کی تقرریوں کو واپس لیا جائے
الیکشن کمیشن کا سندھ حکومت کو تیسری بار خط #ECP pic.twitter.com/hYjVexEDye

— BOL Network (@BOLNETWORK) December 29, 2022

مرکزی الیکشن کمیشن کی جانب سے لکھے گئے خط میں کہا گیا ہے کہ ایڈمنسٹریٹرز کی تقرریوں کو واپس لیا جائے۔ گریڈ 18 کے افسران محمد شکیل، محمد فاروقی، محمد شریف اور فرقان اطیب کے تقرریاں فوری واپس لی جائیں۔

خط کے متن کے مطابق کراچی اور حیدرآباد میں تقریروں اور تبادلوں پر پابندی ہے، ان تقریروں اور تبادلوں کو واپس لیا جائے اور آئندہ بھی تقرریاں اور تبادلے نہیں ہوسکتے ہیں۔

یاد رہے کہ اس سے قبل صوبائی الیکشن کمشن بھی سندھ حکومت کو دو خط لکھ چکا ہے جبکہ الیکشن کمیشن کی جانب سے یہ تیسرا خط ہے جو کہ مرکزی الیکشن آفس نے لکھا ہے۔

الیکشن کمیشن کا سندھ حکومت کو ایڈمنسٹریٹرز کی تقرریاں واپس نہ لینے پر دوسرا مراسلہ

چند روز قبل ایڈمنسٹریٹر کی تقرریاں واپس نہ لینے پر الیکشن کمیشن نے سندھ حکومت کو دوسرا مراسلہ لکھ دیا۔

 الیکشن کمیشن سندھ نے اس مسئلے پر سیکٹری لوکل گورنمنٹ کو خط لکھ دیا۔

الیکشن کمیشن نے خط میں سیکٹری لوکل گورنمنٹ کو ہدایت دیتے ہوئے کہا کہ بلدیاتی انتخابات سے قبل ایڈمینسٹریٹرز کی تعیناتیاں واپس لی جائیں۔

ادارے نے کہا کہ ہم کو مزید تین شکایات موصول ہوئی ہیں، شکایات کرانے والوں میں پی ٹی آئی کے علی زیدی، جماعت اسلامی کے راجہ عارف سلطان اور ڈاکٹر شہاب امام ایڈووکیٹ شامل ہیں، ہم نے شکایات سے متعلق آپ کے محکمے کو پہلے بھی آگاہ کیا تھا۔

خط میں الیکشن کمیشن کا کہنا تھا کہ 15 جنوری کو سندھ میں بلدیاتی انتخابات کا انعقاد ہو رہا ہے، تقرریاں فوراً واپس لی جائیں۔

ضرور پڑھیں؛ ‏اسلام آباد کے بلدیاتی انتخابات ملتوی نہیں ہونگے، الیکشن کمیشن کا فیصلہ