وزیر اعظم شہباز شریف کی زیر صدارت وفاقی کابینہ کے اجلاس کا اعلامیہ جاری کر دیا گیا ہے۔

جاری کردہ اعلامیے کے مطابق حکومت نے اتحادی جماعتوں کے تحفظات نظر انداز کر دیے ہیں جبکہ اتحادی جماعتوں کے تحفظات دور کرنے کے لیے پانچ رکنی کمیٹی بھی تشکیل دے دی گئی ہے۔

بریفنگ دیتے ہوئے کہا گیا کہ اتحادی جماعتوں سے طے پایا تھا کہ یہ قانون سازی صرف ریکوڈک کی حد تک ہوگی۔

 جاری کردہ اعلامیے میں کہا گیا کہ کابینہ نے ریکوڈک منصوبے کی حتمی ڈیل پر دستخط اور ریکوڈیک منصوبے کے لئے ریگولیٹری فریم ورک کی منظوری دے دی جبکہ ریکوڈیک ڈیل پر 15 دسمبر کو دستخط کیے جائیں گے۔

جاری کردہ اعلامیے کے مطابق کمیٹی اتحادی جماعتوں کے قائدین سے ملاقات کرے گی اور تحفظات دور کرے گی جبکہ متعلقہ قانون سازی پر سپریم کورٹ نے بھی کوئی اعتراض نہیں کیا ہے۔