عوامی مسلم لیگ کے سربراہ شیخ رشید کا کہنا ہے کہ 27کلومیٹر کے اقتدار کو بچانے کے لیے حکمرانوں نے ملک کو داؤ پر لگا دیا ہے۔

سماجی رابطے کی ویب سائٹ پر اپنے ایک پیغام میں شیخ رشید نے کہا ہے کہ 75 سالہ تاریخ میں ایسا ہیجان پیدا نہیں ہوا، گورنر اور اسپیکرمیں پھڈا ہے، سابق اور موجودہ وزیرخزانہ میں پھڈا ہے، ہرطرف پھڈا ہی پھڈا ہے۔ 72 گھنٹے اہم ہیں جمعے کو اسمبلیاں ٹوٹیں گی تو لگ پتا جائے گا۔

27کلومیٹرکےاقتدار کوبچانےکےلیے حکمرانوں نےسارےملک کوداؤ پرلگادیاہے۔75سالہ تاریخ میں ایسا ہیجان پیدا نہیں ہوا گورنراور سپیکرمیں پھڈاہےپیٹرولیم اورخارجہ میں پھڈاہےسابق اورموجودہ وزیرخزانہ میں پھڈاہےہرطرف پھڈاہی پھڈاہے72گھنٹےاہم ہیں جمعےکواسمبلیاں ٹوٹیں گی لگ پتا جائے گا

— Sheikh Rashid Ahmed (@ShkhRasheed) December 21, 2022

پی ڈی ایم زمینی حقائق سے بےخبر ہے

انہوں نے کہا کہ پی ڈی ایم زمینی حقائق سے بےخبر ہے، گندم گیس بجلی مہنگی نایاب، اسٹاک مارکیٹ40 ہزار پوائنٹ سے نیچے گندم 4100 من سے اوپر چلی گئی۔

الیکشن ہی عوام کا اعتماد بحال کریںگے

شیخ رشید نے کہا کہ انسانی خوراک تو کیا مرغیوں کی خوراک بھی نہیں، مارکیٹیں 8 بجے بند کرانے سے کچھ نہیں ہوگا الیکشن ہی عوام کا اعتماد بحال کریںگے۔

Advertisement

پی ڈی ایم زمینی حقائق سےبےخبرہےگندم گیس بجلی مہنگی نایاب ہےسٹاک مارکیٹ40ہزارپوائنٹ سےنیچےگندم4100من سےاوپرچلی گئی ہےاسلام آبادکےبلدیہ سےبھاگنےوالےالیکشن سےفراری ہیں انسانی خوراک توکیامرغیوں کی خوراک بھی نہیں مارکیٹیں8بجےبندکرانےسےکچھ نہیں ہوگاالیکشن ہی عوام کا اعتماد بحال کریں گے

— Sheikh Rashid Ahmed (@ShkhRasheed) December 21, 2022

عوامی مسلم لیگ کے سربراہ نے مزید کہا کہ اسلام آباد کے بلدیاتی انتخابات سے بھاگنے والے الیکشن سے فراری ہیں۔

یہ بھی پڑھیں: صدر مملکت سے شیخ رشید کی اہم ملاقات، سیاسی صورتحال پر تبادلہ خیال

اس سے قبل شیخ رشید نے اپنے جاری کردہ بیان میں کہا تھا کہ پہلے کہتے تھے کہ اسمبلیاں توڑیں تو الیکشن کروا دیں گے لیکن اب یہ لوگ کھیلیں گے نہ کھیلنے دیں گے کی پالیسی پے آگئے ہیں۔

سابق وفاقی وزیر نے مزید کہا کہ حکومت کا اعتماد یا عدم اعتماد اُس کے گلے ہی  پڑے گا اور رسوائی ہوگی وہ الگ ، کیونکہ قوم کی بکنے والے ہر ممبر پر نظر ہے۔

مزید پڑھیں: پنجاب کی سیاسی صورتحال، ق لیگ اور پی ٹی آئی کی پارلیمانی پارٹی کے اجلاس الگ الگ طلب

علاوہ ازیں چند روز قبل صدر مملکت اور شیخ رشید کے درمیان ملاقات ایوان صدر میں ہوئی جس میں ملکی سیاسی صورتحال پر اہم بات چیت کی گئی۔

ملاقات میں اسمبلیوں کی تحلیل اور آئندہ کی حکمت عملی پر بھی مشاورت بھی کی گئی۔

ملاقات کے دوران سابق وفاقی وزیر شیخ رشید نے گفتگو کرتے ہوئے کہا کہ آپ سپریم کمانڈر ہیں اپنا رول ادا کریں!