شہر کراچی میں ڈکیتی کی مزاحمت کے دوران این ای ڈی یونیورسٹی کے طالبعلم کے قتل ملوث ایک ملزم گرفتار کرلیا گیا ہے۔

تفصیلات کے مطابق گزشتہ روز  این ای ڈی یونیورسٹی کے گیٹ کے بلکل سامنے چائے کے ہوٹل پر بیٹھے ہوئے طالب علموں سے موٹرسائیکل پر سوار مسلح افراد موبائل فون چھین رہے تھے ۔

پولیس نے این ای ڈی یونیورسٹی کے طالب علم کو دوران ڈکیتی مزاحمت پر قتل کرنے والے ملز م کو گرفتار کرلیا

Advertisement

ملزم کو سپر ہائی وے کے قریب نظام گوٹھ سے گرفتار کیا
ملزم نے دورانِ تفتیش متعدد وارداتوں کا اعتراف بھی کیا #Karachi #neduniversity pic.twitter.com/QRLm0jRrQ8

— BOL Network (@BOLNETWORK) December 16, 2022

 اس ہی دوران مزاحمت پر ڈکیتوں نے فائرنگ کر دی جس سے بلال ناصر دو گولیاں لگنے کے باعث موقع پر ہی جاں بحق ہوگیا تھا تاہم پولیس نے بلال کے قتل کا ایک ملزم ماڑی پور سے گرفتارکرلیا ہے۔

یہ بھی پڑھیں: کراچی : ایک اور بے گناہ طالب علم اسٹریٹ کریمنلز کی گولیوں کا نشانہ بن گیا

اس حوالے سے ملزم نظام پہلے بھی کئی بار جیل جاچکا ہے جس کی شناخت نظام کے نام سے ہوئی ہے ۔

یاد رہے کہ بلال کے قتل کا مقدمہ سرکار کی مدعیت میں مبینہ ٹاؤن تھانے میں دو نامعلوم ملزمان کے خلاف درج ہے۔

خیال رہے کہ گزشتہ روزموبائل فون چھیننے کی کوشش پر طالبعلم نے مزاحمت کی جس دوران بلال کو سینے اور پاؤں پر گولی لگی اور وہ موقع پر ہی دم توڑ گیا تھا ۔

کراچی میں طالب علم قتل کے معاملے پر وزیر اعلیٰ سندھ کا نوٹس

وزیراعلیٰ سندھ مراد علی شاہ نے یونیورسٹی روڈ پر ڈاکوؤں کی فائرنگ سے نوجوان کے جاں بحق ہونےکا نوٹس لیتے ہوئے ایڈیشنل آئی جی کراچی سے واقعے کی رپورٹ طلب کر لی۔

مراد علی شاہ نے ڈاکوؤں اور اسٹریٹ کرمنلز کے خلاف آپریشن تیز کرنےکی ہدایت کرتے ہوئے کہا کہ مجھےنوجوان کے قاتل سلاخوں کے پیچھے چاہئیں۔

  مزید پڑھیں؛ کراچی، رواں برس میں ڈکیتی مزاحمت پر 83 افراد قتل

وزیراعلیٰ سندھ مراد علی شاہ نے کہا کہ اس قسم کے واقعات انتہائی تکلیف دہ ہیں جس کے سدباب کے لیے اقدامات تیز کیے جائیں۔ وزیراعلیٰ نے نوجوان کے والدین کو تفتیش سےآگاہ رکھنےکی ہدایت بھی کی۔

واضح رہےکہ رواں برس سے اب تک ڈکیتی مزاحمت پر ڈاکوٶں کے ہاتھوں قتل ہونے والے شہریوں کی تعداد سو سے تجاوز کرچکی ہے مکر  پولیس ان واقعات پر قابو پانے میں مکمل طور پر ناکام دکھاٸی دیتی ہے۔