ارشد شریف کیس کی ایف آئی آر میں عمران خان حملہ کیس کا طریقہ کار دہرایا گیا ہے۔

تفصیلات کے مطابق ارشد شریف شہید کی والدہ کی طرف سے اپنی مدعیت میں مقدمہ درج کرانے کے اعلان کے بعد پولیس کی چالاکی سامنے آگئی ہے۔

چیف جسٹس آف پاکستان عمر عطا بندیال کے حکم کے بعد ارشد شریف قتل کیس کا مقدمہ ان کی والدہ کی درخواست کے بغیر ہی درج کرلیا گیا تھا جبکہ ارشد شریف شہید کی فیملی درخواست دینے کا انتظار کرتی رہ گئی، پولیس نے اپنی ہی مدعیت میں مقدمہ درج کرلیا۔

ارشد شریف فیملی مقدمہ درج کرانے کے لئے مشاورت میں مصروف تھی کہ پولیس کی مدعیت میں مقدمہ درج ہونے کی خبر آگئی۔

ارشد شریف کی اہلیہ جویرہ صدیق کا کہنا ہے کہ پولیس نے ہماری فیملی سے درخواست کے لئے کوئی رابطہ تک نہیں کیا۔

سماجی رابطے کی ویب سائٹ ٹوئٹر پر شہین ارشد شریف کی اہلیہ جوریہ صدیق نے اپنے ایک پیغام میں کہا کہ ارشد کے لواحقین ابھی زندہ ہیں صرف میری ساس کی مدعیت میں ارشد شریف شہید کا مقدمہ درج ہوگا باقی پولیس کی مدعیت میں ایف آئی آر کیوں درج ہوئی ارشد لاوارث نہیں ہے۔