ایم کیو ایم رہنما خالد مقبول صدیقینے کہا ہے کہ کراچی میں میئر صرف ایم کیو ایم کا ہوگا۔
تفصیلات کے مطابق متحدہ قومی موومنٹ (ایم کیو ایم) کے رہنما خالد مقبول صدیقی نے ایم کیو ایم پاکستان کے جنرل ورکرز اجلاس سے خطاب کرتے ہوئے کہا کہ ایم کیو ایم کو ختم کر نے کے لئے اربوں ڈالر خرچ کئے گئے، آج 22 اگست کے بعد بھی ایم کیو ایم کھڑی ہے۔
انہوں نے کہا کہ جس مقصد کے لئے گھر سے نکلے تھے وہ مقصد آج بھی زندہ ہے، شفاف الیکشن ہونگیں تو ایم کیو ایم الیکشن لڑے گی جبکہ ایم کیو ایم الیکشن لڑے گی تو الیکشن ہوں گے ورنہ نہیں ہوں گے۔
ان کا کہنا تھا کہ الیکشن کی تیاریاں شروع کردیں اور پاکستان میں جہاں جہاں ضرورت ہے وہاں صوبہ بنایا جائے۔
خالد مقبول صدیقی نے کہا کہ آپکی ایم کیو ایم حیدرآباد کے بعد کراچی کی بھی یونیورسٹی بنائے گی جبکہ آج کی ایم کیو ایم نے سی پیک سرکولر ریلوے کا منصوبہ ڈلوایا ہے، آج بھی ہم مڈل کلاس طبقہ کو ایوانوں میں بھیج رہے ہیں اور ہم نے 42 ارب روپے کا آئی ٹی پارک بھی دیا ہے۔