سرکاری ملازمین کی موجیں، حکومت  کی جانب سے سرکاری تعطیلات کا اعلان کردیا گیا۔

تفصیلات کے مطابق کابینہ ڈویژن نے آئندہ سال 2023 کے لیے عام تعطیلات کا سرکلر جاری کر دیا۔

کابینہ ڈویژن کی جانب سے جاری سرکلر میں کہا گیا ہے کہ سال 2023 میں 38 عام تعطیلات اور اختیاری چھٹیاں ہوں گی جس میں 16 عام تعطیلات اور 22 اختیاری چھٹیاں ہوں گی۔

مزید پڑھیں: وزیراعظم نے سرکاری اداروں میں 2 تعطیلات ختم کردیں

سرکلر کے مطابق 5 فروری 2023 کو یوم کشمیر کی عام تعطیل ہوگی۔ 23 مارچ 2023 کو یوم پاکستان کی عام تعطیل ہو گی۔عیدالفطر کی چھٹیاں 22،23 اور 24 اپریل کو متوقع ہیں۔یکم مئی 2023 کو مزدوروں کے عالمی دن کی عام تعطیل ہوگی، عید الاضحیٰ  کے لیے 29، 30 جون اور یکم جولائی کی عام تعطیل متوقع ہے۔

عام تعطیلات  کی مکمل تفصیلات

5  فروری 2023 ، یوم کشمیر

23 مارچ 2023 ،  یوم پاکستان

یکم مئی 2023 ، یوم مزدور

22 سے 24 اپریل  2023 ،   عیدالفطر کی 3 چھٹیاں

29 جون سے یکم جولائی 2023،  عیدالاضحیٰ کی 3 چھٹیاں

27 ، 28 جولائی 2023،  عاشورہ  (9 ،10 محرم)

14 اگست 2023 ، یوم آزادی

28 ستمبر2023 ، عیدمیلاد النبی ﷺ

9 نومبر 2023 ، یوم اقبال

25دسمبر2023 ، یوم قائداعظم اور کرسمس

26دسمبر 2023 ، مسیحی ملازمین کے لیے کرسمس کے بعد کی عام تعطیل ہو گی

اعلامیے میں کہا گیا ہے کہ سال 2023 کے لیے اسلامی تاریخوں میں آنے والی چھٹیاں متوقع تاریخوں  کے حساب سے طے کی گئی ہیں، جن کا حتمی نوٹیفکیشن  چاند کی رویت کے حساب سے جاری کیا جائے گا۔

مزید پڑھیں: تعلیمی اداروں میں تعطیلات کا اعلان کردیا گیا

سال 2023 میں 16 عام تعطیلات میں سے 2 اتوار کے روز ہوں گی۔

2 جنوری، 22 مارچ اور 3 جولائی کو بینکوں کی چھٹی ہو گی، مسلم حکومتی ملازمین کو سال میں ایک سے زیادہ آپشنل چھٹی نہیں ملے گی جبکہ غیر مسلم حکومتی ملازمین کو سال میں 3 سے زائد آپشنل چھٹیاں نہیں ملیں گی۔