ملک بھر میں ڈینگی وائرس کے 77 ہزار سے زائد کیسز رپورٹ ہوئے ہیں۔

تفصیلات کے مطابق وفاقی وزارت صحت کی جانب سے جاری کردہ رپورٹ میں یہ بتایا گیا ہے کہ رواں برس ملک بھر میں ڈینگی سے 142 اموات رپورٹ ہوئی ہیں جن میں سے سب سے زیادہ سندھ میں ہوئیں۔

ادارے نے کہا کہ سندھ میں سب سے زیادہ 49 اموات کراچی میں ہوئیں ہیں۔

رپورٹ کے مطابق سندھ اور خیبرپختونخوا میں ڈینگی کے 22 ہزار 931 کیسز جبکہ پنجاب میں ڈینگی وائرس کے 18 ہزار 953 کیسز رپورٹ ہوئے ہیں۔

ادارے کا کہنا ہے کہ پنجاب میں 50 اور کے پی کے میں ڈینگی سے 18 اموات رپورٹ ہوئیں، بلوچستان میں ڈینگی سے 1 اور اسلام آباد میں 11 اموات رپورٹ ہوئیں۔

ماہرین کا کہنا ہے کہ ڈینگی کے کیسز چند اسپتالوں سے رپورٹ ہوتے ہیں، زیادہ تر کیسز اور اموات رپورٹ نہیں ہوتیں۔