پاکستان تحریک انصاف کے رہنما عمر سرفراز چیمہ  نے کہا ہے کہ پی ڈی ایم کا مقصد اعتماد کا ووٹ لینا نہیں بلکہ الیکشن سے فرار ہے۔

سماجی رابطے کی ویب سائٹ پر اپنے ایک پیغام میں عمر سرفراز چیمہ نے کہا کہ پی ڈی ایم گورنر کے دفتر کو صوبے میں آئینی بحران پیدا کرنے کے لیے استعمال کر رہی ہے ۔

انہوں نے کہا کہ پی ڈی ایم کا اصل مقصد الیکشن سے فرار کے لیے اسمبلی کو تحلیل ہونے سے روکناہے جبکہ حکومتی اتحاد کی جانب سے صوبائی اسمبلی تحلیل کرنے کے اعلان کے بعد گورنر کا آرڈر بدنیتی کے سوا کچھ نہیں ہے۔

یہ بھی پڑھیں:وفاق کے پاس معاملات کو الجھانے کے سوا کچھ نہیں ہے، عمر سرفراز چیمہ

بعدازاں مشیرداخلہ و سابق گورنر پنجاب عمر سرفراز چیمہ نے بول نیوز سے خصوصی گفتگو کرتے ہوئے کہا کہ امپورٹڈ حکومت نےمجھے غیر قانونی طور پر گورنر کے عہدے سے ہٹایا تھا جبکہ مجھے گورنر کے عہدے سے ہٹانے کی حکومتی سمری کو صدر پاکستان نے مسترد کردیا تھا۔

انہوں نے کہا کہ مجھے گورنر کی عہدے سے ہٹائے جانے کا معاملہ ابھی اسلام آباد ہائیکورٹ میں زیر التواء ہے اور امید ہےعدالتی چھٹیوں کے بعد فیصلہ میرے حق میں آجائیگا اور فیصلہ حق میں آیا تو میں ہی دوبارہ پنجاب کا گورنر ہوں گا۔

انہوں نے مزید کہا کہ گورنر وزیراعلیٰ کو اعتماد کا ووٹ لینے کا کہہ سکتے ہیں مگر ان کا طریقہ کار غیر آئینی ہے۔

اس سے قبل پی ٹی آئی رہنما  فواد چوہدری نے اپنے ایک کہا کہ ادارے اس مافیا کا ساتھ نہ دیں، عوام پی ڈی ایم جیسی مافیا کو کبھی معاف نہیں کریں گے۔

انہوں نے کہا کہ ادارے عوام مخالف قوتوں کے ساتھ کھڑے نہ ہوں، عوام کو حقوق سے محروم رکھنے کیلئے مافیا کا ساتھ دینا ملک کے مفاد میں نہیں ہے، قوم ایسے کرداروں اور ان کے سہولت کاروں کو معاف نہیں کرے گی۔

PeeDM کی لیڈرشپ کے چہرے عوام کے ولن ہیں، ادارے عوام مخالف قوتوں کے ساتھ کھڑے نہ ہوں، عوام کو حقوق سے محروم رکھنے کیلئے مافیا کا ساتھ دینا ملک کے مفاد میں نہیں قوم ایسے کردار اور سہولت کاروں کو معاف نہیں کرے گی آئین کا آحترام کریں اور عوام کو حکومت چننے کا حق دیا جائے

Advertisement

— Ch Fawad Hussain (@fawadchaudhry) December 22, 2022

سابق وفاقی وزیر فواد چوہدری نے مزید کہا کہ آئین کا احترام کریں اور عوام کو حکومت چننے کا حق دیا جائے۔

پیپلز پارٹی کی جانب سے ارکان کو 5،5 کروڑ کی آفر کی گئی ہے

گزشتہ رات فواد چوہدری نے میڈیا سے گفتگو کرتے ہوئے کہا تھا کہ سیاسی صورت حال خطرناک ہے، پنجاب میں صورت حال بدل رہی ہے، موجودہ حکومت انتخابات سے فرار اختیار کررہی ہے۔

یہ بھی پڑھیں: پی ٹی آئی کا ووٹ بینک 37 فیصد سے بڑھ کر 49 فیصد ہوگیا، عمر سرفراز چیمہ

ان کا کہنا تھا کہ گورنر نے آرٹیکل 109 کی خلاف ورزی کی ہے جبکہ اسپیکر نے گورنر کے اقدام کو غیر آئینی قرار دیا ہے۔ منظور وٹو کے حوالے سے ہائی کورٹ فل بینچ کا فیصلہ موجود ہے جبکہ کل پارلیمانی پارٹی کا اجلاس بھی بلا لیا ہے اور 187 ممبران کی چوہدری پرویز الٰہی کو حمایت حاصل ہے۔