ایڈیشنل آئی جی کراچی جاوید عالم اوڈھو نے کراچی میں زندہ رہنے کا فارمولہ بتایا جس میں انہوں نے کہا کہ شہریوں کو اپنے موبائل فون چوروں کے دے کر اپنی جان بچا لینی چاہیے۔

تفصیلات کے مطابق ایڈیشنل آئی جی کراچی نے پریس کانفرنس کے دوران کہا کہ شہریوں سے کہتا ہوں موبائل فون کی وجہ سے مزاحمت نہ کریں بلکہ مشکوک لوگوں کی نشاندہی کی جائے۔

کراچی میں پریس کانفرنس سے خطاب میں جاوید عالم اوڈھو نے اپنے ادارے کی کارکردگی کا پرچار کرتے ہوئے بتایا کہ گذشتہ تین ماہ کے دوران غیر قانونی طور پر مقیم 1200 باشندوں کو گرفتار کیا گیا ہے، ساوتھ پولیس نے کے پی کے کی سال کی سب سے بڑی ڈکیتی کے ملزم کو اسلحہ سمیت  گرفتار کیا۔

ان کا مزید کہنا تھا کہ نومبر اور دسمبر میں 22 کیسز ہوئے جن میں چار بچوں کو قتل کیا گیا ان میں سے 21 ملزمان کو گرفتار کر لیا گیا ہے۔

مزید پڑھیں؛ کراچی: ڈکیتی مزاحمت پہ طالبعلم کا قتل، ایک ملزم گرفتار