سی اے اے کراچی ایئرپورٹ انتظامیہ کی نااہلی کی وجہ سے کراچی ایئرپورٹ کی حدود میں ایک بار پھر آگ بھڑک اٹھی ہے۔
ذرائع سی اے اے کے مطابق آگ کراچی ایئرپورٹ کے ریڈار ایریا کی طرف جھاڑیوں اور گھاس میں لگی ہے جبکہ سی اے اے کی فائر ٹینڈرز آگ بجھانے میں مصروف ہے۔
واضح رہے کہ دو ہفتے کے دوران یہ تیسری بار کراچی ایئرپورٹ کی حدود میں آگ کا واقعہ ہوا ہے۔
سی اے اے انتظامیہ کی نااہلی کے باعثِ کراچی ایئرپورٹ کی حدود میں بار بار آگ لگنے والے واقعات پیش آرہے ہیں جبکہ سی اے اے کی غیر سنجیدگی کے باعث تاحال گھاس اور جھاڑیوں کی صفائی بھی نہیں کی گئی ہے۔