پلاسٹک شاپرز میں گیس فروخت کرنے والے دکانداروں کے خلاف اوگرا انفورسمنٹ ٹیم نے بڑی کارروائی کی۔

تفصیلات کے مطابق اوگرا کی انفورسمنٹ ٹیم نے پشاور کے گرد و نواح میں ایل پی جی گیس کی غیر قانونی فروخت پر دکانداروں کے خلاف کارروائی کی۔

ترجمان اوگرا نے کہا کہ اوگرا کی ٹیم نے ضلعی انتظامیہ کے ہمراہ پشاور کے مختلف حصوں بشمول رتی بازار، اشرف روڈ اور خیبر بازار کا دورہ کیا اور پلاسٹک کے تھیلوں میں ایل پی جی کو بھرنے اور فروخت کرنے کی اطلاع پر کارروائی کر کے فوری ایکشن لیا گیا۔

ترجمان اوگرا کا کہنا ہے کہ پلاسٹک کے تھیلوں میں ایل پی جی گیس بھرنے اور فروخت کرنے کی یہ سرگرمی عوامی تحفظ کے نقطہ نظر سے انتہائی خطرناک ہے، اوگرا کی بروقت کارروائی کی بدولت اس طرح کی غیر قانونی اور غیر محفوظ سرگرمیوں کو روک دیا گیا ہے۔