ایس ایس جی سی نے شدید گیس کی قلت ظاہر کر کے بدترین گیس لوڈ شیڈنگ کا اعلان کر دیا۔

تفصیلات کے مطابق ایس ایس جی سی نے اپنے بیان میں کہا کہ 24 گھنٹوں میں سے صرف 9 گھنٹے گیس دستیاب ہو گی؛ صبح 6 سے 9، دوپہر 12 سے 2 اور رات کو 6 سے 9 تک گیس مہیا کی جا سکے گی۔

ایس ایس جی سی کا کہنا ہے کہ اس وقت ایس ایس جی سی کے سسٹم میں 350 سے 400 ایم ایم سی ایف ڈی گیس کی کمی کا سامنا ہے۔

دوسری جانب ایس ایس جی سی کے ایل پی جی سلینڈرز کی فروخت میں ریکارڈ اضافہ ہوا ہے، گزشتہ سال دسمبر کے پہلے ہفتے کے مقابلے میں ایس ایس جی سی سلینڈر کی ڈیمانڈ میں دو ہزار فیصد سے زائد اضافہ ہوا ہے۔

واضح رہے کہ اعلان کے بعد شہر قائد کے اکثر علاقوں میں گیس نہ ہونے اور لو پریشر نے لوگوں کی زندگی اجیرن کر دی ہے۔