وفاقی وزیر خزانہ اسحاق ڈار نے کہا ہے کہ ادارے معاشی استحکام کیلئے سمگلنگ کی روک تھام کیلئے روڈ میپ بنائیں۔

تفصیلات کے مطابق وزیر خزانہ اسحاق ڈار کی زیرصدارت معاشی صورتحال پر بین الوزارتی اجلاس ہوا جس میں موجودہ معاشی صورتحال، غیر ملکی کرنسی کے میکنزم اور گندم اور یوریا سمگلنگ کا جائزہ لیا گیا۔

اس موقع پر وزیر خزانہ اسحاق ڈار نے تمام حکومتی اداروں کے درمیان بہتر رابطوں کی ضرورت پر زور دیتے ہوئے کہا کہ متعلقہ ادارے معاشی استحکام کیلئے سمگلنگ کی روک تھام کیلئے روڈ میپ بنائیں۔

اجلاس میں وزیر قانون سمیت گورنر اسٹیٹ بینک، ڈی جی ایف آئی اے، چیئرمین ایف بی آر اور دیگر نے شرکت کی۔