قائد حزب اختلاف سندھ اسمبلی حلیم عادل شیخ نے سندھ ہاؤس کی کرپشن پر آڈٹ رپورٹ شیئر کردی ہے۔

سماجی رابطے کی ویب سائٹ پر اپوزیشن لیڈر سندھ اسمبلی حلیم عادل شیخ نے سندھ ہاؤس کی کرپشن پر آڈٹ رپورٹ شیئر کرتے ہوئے کہا کہ بدنام زمانہ سندھ ہاؤس اسلام آباد کرپشن ہاؤس میں تبدیل ہوچکا ہے۔

سندھ ہاؤس کی اوریجنل ڈیزائن اور بناوٹ کے مطابق اس میں ڈرینج کا مسئلہ نہیں ہوسکتا اور نہ ہی اصل نقشے میں کہیں مین ہولز کا نشان موجود ہے کیا سندھ کا پیسہ ان مین ہولز میں چھپایا گیا؟ یاں لوٹوں کو چھپانے کیلئے مین ہولز بنائے گئے؟
2/2

— Haleem Adil Sheikh (@HaleemAdil) December 30, 2022

انہوں نے کہا کہ سندھ کی عوام کا لوٹا ہوا پیسہ چھپانے کیلئے سندھ ہاؤس میں 40 لاکھ 50 ہزار روپے سے بڑی تعداد میں مین ہولز بنائے گئے۔

حلیم عادل شیخ نے کہا کہ ایک مین ہول پر 1لاکھ 15سو روپے کا خرچ دکھایا گیا، اتنی تعداد میں مین ہولز بنانے کی کیا ضرورت پڑی؟

انکا کہنا ہے کہ سندھ ہاؤس کی اوریجنل ڈیزائن اور بناوٹ کے مطابق اس میں ڈرینج کا مسئلہ نہیں ہوسکتا، اور نہ ہی اصل نقشے میں کہیں مین ہولز کا نشان موجود ہے۔

قائد حزب اختلاف سندھ اسمبلی نے مزید کہا کہ کیا سندھ کا پیسہ ان مین ہولز میں چھپایا گیا؟ یا لوٹوں کو چھپانے کیلئے مین ہولز بنائے گئے؟