پی ٹی آئی رہنما مسرت جمشید چیمہ نے کہا ہے کہ امپورٹڈ حکومت نے عوام کا دو وقت کی روٹی کمانا مشکل کردیا ہے۔

تفصیلات کے مطابق مسرت جمشید چیمہ نے زمان پارک کے باہر میڈیا سے گفتگو کرتے ہوئے کہا کہ جن کو قوم سے باجماعت معافی مانگی چاہیئے وہ نواز شریف سے معافی مانگنے کو کہہ رہے ہیں۔

انہوں نے کہا کہ امپورٹڈ حکومت نے عوام کا دو وقت کی روٹی کمانا مشکل کردیا ہے۔

 ان کا کہنا تھا کہ جس جس طرح منی لانڈرنگ ہوتی رہی ہے، جو کچھ آپ نے کیا عوام اس کا حساب لینا چاہتی ہے، آپ لوگوں کو آپ کے جرموں کی سزا ملی ہی نہیں ہے لیکن اب ملک میں آئیں آپ کے لیے جیلیں تیار ہیں۔

ان کا یہ بھی کہنا تھا کہ میدان لگ چکا ہے، 90 دن سے اوپر الیکشن کی گنجائش نہیں ہے۔

یہ بھی پڑھیں؛ عوام اب کرپٹ ٹولے سے مایوس ہوچکی ہے، مسرت جمشید چیمہ

مسرت چیمہ نے کہا کہ اپنے لیڈرز کو یہاں بلاؤ اور مقابلہ کرو۔

انہوں نے کہا کہ امپورٹڈ حکومت اپنے کیئے پر شرمندہ ہونے کی بجائے دوبارہ عوام کو گمراہ کرنے لگ گئے ہیں۔

پی ٹی آئی رہنما مسرت جمشید چیمہ نے مزید کہا کہ دو ہفتوں میں عمران خان کا ایکسرے ہونا ہے پھر عمران خان کی صحت کا معلوم ہوگا۔