جے یو آئی کے صدر مولانا فضل الرحمن وزیر اعظم شہباز شریف سے ملاقات کے بعد اب سابق صدر آصف علی زرداری سے بھی ملاقات کریں گے۔

تفصیلات کے مطابق مولانا فضل الرحمن آصف علی زرداری سے ملاقات کے لیے آج زرداری ہاؤس جائیں گے۔

ذرائع کا کہنا ہے کہ مولانا فضل الرحمن آصف علی زرداری کو قومی اسمبلی کے ضمنی الیکشن میں حصہ نہ لینے پر قائل کرنے کی کوشش کریں گے۔

ذرائع پیپلز پارٹی کے مطابق پی ڈی ایم قومی اسمبلی کے ضمنی الیکشن نہیں لڑنا چاہتی جبکہ پی پی پی قومی اسمبلی کے ضمنی الیکشن لڑنا چاہتی ہے، پیپلز پارٹی کسی صورت قومی اسمبلی کا میدان خالی چھوڑنے کو تیار نہیں۔