بول نیوز کے صحافی شاہد اسلم کو اڈیالہ جیل سے رہا کردیا گیا ہے۔

تفصیلات کے مطابق  ایف بی آر ڈیٹا لیک کیس میں بول نیوز کے صحافی شاہد اسلم کو آج ضمانت پر رہا کردیا گیا ہے۔

بول نیوز کے صحافی شاہد اسلم اڈیالہ جیل سے رہا #ShahidAslam #BOLNews pic.twitter.com/yRwAiPBokc

Advertisement

— BOL Network (@BOLNETWORK) January 19, 2023

رہائی کے موقع پر گفتگو کرتے ہوئے شاہد اسلم کا کہنا تھا کہ ہم قانون اور آئین کی بات کریں گے، مجھے دہشتگرد کی طرح اٹھایا گیا، تو کیا میں دہشتگرد ہوں؟

انہوں نے کہا کہ مجھے بلانے کیلئے کوئی نوٹس دیتے ، 25 لوگ گھر کا دروازہ توڑ کر داخل ہوئے تھے تو کیا یہ صحافت اور انسانیت کی توہین نہیں ہے ؟

انہوں نے مزید کہا کہ جس جرم کیلئے مجھے اٹھایا گیا بتائیں کیا جرم تھا؟

خیال رہے کہ اسپیشل سینٹرل جج اعظم خان نے ایف بی آر ڈیٹا لیک کیس میں بول نیوز کے صحافی شاہد اسلم کو ضمانت کے عوض پچاس ہزار مچلکے جمع کروانے کا حکم دیا تھا۔

اس سے قبل اسلام آباد کی مقامی عدالت نے ایف بی آرڈیٹا لیکس کیس میں بول نیوز کے صحافی شاہد اسلم کا جوڈیشل ریمانڈ دیا گیا تھا۔