پاکستان مسلم لیگ ن کی چیف آرگنائزر مریم نواز کی جانب سے روان ماہ کی 22 تاریخ کو پاکستان پہنچنے کا فیصلہ کیا گیا ہے۔

اس حوالے سے ذرائع کا کہنا ہے کہ قائد مسلم لیگ ن، نواز شریف کی سربراہی میں اہم اجلاس کے دوران بڑے فیصلے کئے گئے ہیں۔

ذرائع نے بتایا ہے کہ اجلاس کے دوران مریم نواز شریف 22 جنوری کو پاکستان  پہنچیں گی جنہیں پارٹی کو ایکٹیو کرنے سے متعلق نوازشریف نے اہم ٹاسک بھی دیئے گئے ہیں۔

یہ بھی پڑھیں: مریم نواز مسلم لیگ (ن) کی سینئر نائب صدر اور چیف آرگنائزر مقرر

ذرائع نے بتایا ہے کہ مریم نواز شریف پنجاب میں دورے کریں گی اور سینئر رہنمائوں سے ملاقاتیں بھی کریں گی۔

اسکے علاوہ اجلاس میں پنجاب انتخابات، ٹکٹوں کی تقسیم اور نگران سیٹ کے لئے ناموں پر مشاورت کی گئی ہے ۔

دوسری جانب پاکستان مسلم لیگ ن پنجاب میں اہم تبدیلیوں کا امکان ہے جس کے لئے نواز شریف نے لندن میں اہم مشاورت شروع کردی ہے۔

ذرائع نے بتایا کہ رواں ہفتے لندن میں پارٹی رہنماؤں کا اہم اجلاس بھی بلا لیا گیا ہے، رانا ثناء اللہ سمیت دیگر رہنما رواں ہفتے لندن پہنچیں گے۔

یہ بھی پڑھیں: ملک میں بدلتی سیاسی صورتحال، رانا ثناء اللہ کی لندن طلبی

ذرائع کا کہنا ہے کہ پاکستان مسلم لیگ ن میں رانا ثناء اللہ کو ہٹانے کا مطالبہ زور پکڑنے لگا، رانا ثناء اللہ کو مسلم لیگ ن پنجاب کی صدارت سے ہٹائے جانے کا امکان ہے۔

ذرائع کے مطابق پارٹی رہنما کا کہنا ہے کہ رانا ثناء اللہ وفاقی وزیر داخلہ ہیں پنجاب کے پارٹی امور چلانے ان کے لئے مشکل ہے۔

ذرائع نے بتایا کہ پارٹی میں مریم نواز گروپ علیم خان کو پنجاب کا صدر بنوانے میں سرگرم ہیں جبکہ خواجہ سعد رفیق اور احسن اقبال نے پنجاب کی صدارت سنبھالنے سے معذرت کرلی۔

ذرائع کا کہنا ہے کہ لندن میں نواز شریف کی زیر صدارت اجلاس میں پنجاب کی سیاسی صورتحال پر غور ہوگا اور پنجاب میں دستیاب امیدواروں کی فہرست بھی پیش کی جائے گی۔