پی ٹی آئی سندھ کے رکنِ سندھ اسمبلی خرم شیر زمان نے کہا ہے کہ پیپلز پارٹی والے 2 نمبر طریقے سے الیکشن لڑتے ہیں۔

تحریکِ انصاف کے رہنما خرم شیر زمان نے بول نیوز سے گفتگو کرتے ہوئے کہا کہ قیامت کی نشانی ہوگی اگر پیپلزپارٹی کے ساتھ بات کریں گے۔

جماعت اسلامی کو ووٹ لینے پر مبارکباد پیش کرتا ہوں

انہوں نے کہا کہ ملک کے حالات سب کے سامنے ہیں، آج شام تک سارے رزلٹ آجائیں گے، پھر بات ہوگی۔

خرم شیر زمان نے کہا کہ ایم کیو ایم نے 52 فیصد کاغذات نامزدگی جمع کرائے تھے۔ جماعت اسلامی کو ووٹ لینے پر مبارکباد پیش کرتا ہوں، جماعت اسلامی کی کمپئن ہم سے اچھی تھی۔

جتنے رزلٹ میں تاخیر ہوگی وہ پیپلزپارٹی کے حق میں جاتے جائیں گے

رہنما تحریکِ انصاف نے کہا کہ ابھی تک ہمارے لوگ آر او آفس کے باہر بیٹھے ہیں، یوسی 7 کھارادر کا رزلٹ بدل دیا گیا، کل ہم یوسی 7 کھارادر سے جیت رہے تھے۔

خرم شیر زمان نے مزید کہا کہ پیپلزپارٹی والے 2 نمبرطریقے سے الیکشن لڑتے ہیں، جتنے رزلٹ میں تاخیر ہوگی وہ پیپلزپارٹی کے حق میں جاتے جائیں گے۔

بلدیاتی انتخابات، الیکشن کمشنر سندھ نے نتائج میں تاخیر کی وجہ بتادی

دوسری جانب صوبائی الیکشن کمشنر سندھ اعجاز انور چوہان نے کراچی میں بلدیاتی الیکشنز کے نتائج میں تاخیر کی وجہ سے بتادی۔

رات گئے صوبائی الیکشن کمشنر سندھ اعجاز انور چوہان نے میڈیا نمائندگان سے گفتگو کرتے ہوئے کہا کہ تمام پولنگ اسٹیشنز سے آر اوز کے دفتر پہنچ رہے ہیں۔

یہ بھی پڑھیں: نتائج میں تاخیر، پی ٹی آئی کارکنان کا ویسٹ آفس کے باہر دھرنا

انہوں نے کہا کہ یہ ایک گھمبیر معاملہ ہے، ایک یوی کا رزلٹ بنانے میں وقت لگتا ہے، ہر یوسی کے 4 وارڈز ہیں اور اوسط 20 پولنگ اسٹیشنز ہیں اور ایک بھی پولنگ اسٹیشن کا نتیجہ نہ آئے تو یوی کا نتیجہ مکمل نہیں ہوتا۔