نواز شریف نے وطن واپسی سے صاف انکار کردیا ہے جس کے بعد پاکستان مسلم لیگ ن کے قائد کی وطن واپسی کی قیاس آرائیاں دم توڑ گئیں ہیں۔

اس حوالے سے ذرائع کا کہنا ہے کہ پنجاب اسمبلی کی تحلیل اور ممکنہ صوبائی انتخابات کا معاملے کی پیش نظر نواز شریف نے فی الحال فوری وطن واپسی سے صاف انکار کردیا ہے۔

ذرائع نے بتایا ہے کہ پارٹی کی سینئر قیادت نے موجودہ سیاسی صورتحال میں نواز شریف کی فوری وطن واپسی کی درخواست کی تھی جس کے جواب میں میاں محمد نواز شریف کا کہنا تھا کہ فی الحال موجودہ سیاسی صورتحال میں میرا پاکستان واپس آنا ممکن نہیں ہے۔

یہ بھی پڑحیں: نوازشریف کو وطن واپسی پرکن عدالتوں کا سامنا کرنا ہوگا؟

ذرائع کے مطابق نواز شریف نے بتایا کہ اگلے چند روز میں مریم نواز کی فوری وطن واپسی کا فیصلہ ہو گا تاہم مریم نواز پاکستان واپس جا کر کچھ عرصے کے بعد مجھے رپورٹ دینگی تو اس کے بعد وطن واپسی کا فیصلہ کروں گا۔

ذرائع نے بتایا کہ اس موقع پر نواز شریف نے پارٹی رہنماوں کو فوری طور پر انتخابات کی تیاری کی ہدایت کرتے ہوئے بھرپور تیاری کے ساتھ انتخابی میدان میں اترنے کا مشورہ دیا ہے ۔

ذرائع کا کہنا تھا کہ نواز شریف کی پارٹی رہنماوں کو تمام تر صورتحال سے انہیں اپ ڈیٹ رکھنے کی بھی ہدایت کی ہے۔

یہ بھی پڑھیں: نواز شریف کی وطن واپسی سے متعلق مشاورت مکمل، عدالت سے رجوع کرنے کا فیصلہ