عوامی مسلم لیگ کے سربراہ شیخ رشید نے کہا ہے کہ سب ڈرامے ایک نااہل حکومت کو مسلط رکھنے کیلئے کیے جارہے ہیں۔

سماجی رابطے کی ویب سائٹ پر اپنے ایک پیغام میں شیخ رشید نے کہا کہ جو ضمیر برائے فروخت کے نام سے حکمران بنائے گئے تھے انہوں نے ملک برائے فروخت کے بورڈ لگا دیے۔

200کا ڈالردینےوالےارسطوڈار نے250کا ڈالرکرنے کی اجازت دیدی ہےایل سی کھل نہیں رہی بینکوں میں بھونچال ہےلوگ دھکے کھا رہے ہیں سب ڈرامےایک نااہل حکومت کو مسلط رکھنےکے لیےکیےجا رہےہیں فوری الیکشن نہ ہوئےتوقحط زدہ قوم کےغضب کےآگےکوئی نہیں کھڑاہوسکےگا۔رہےگانام اللہ کااورراج کرےگی خلق خدا

— Sheikh Rashid Ahmed (@ShkhRasheed) January 26, 2023

انہوں نے کہا کہ گرفتاریاں، جیلیں اور مقدمات حکومت کو کوئی فائدہ نہیں پہنچا سکتے، اگر کچھ دن گزارنے ہیں تو معیشت ٹھیک کرنی ہوگی۔

سابق وفاقی وزیر نے کہا کہ آئی ایم ایف کا مسئلہ کھٹائی میں ہے اور صوبائی الیکشن 90 دن میں نہ کرانا خطرے کی گھنٹی ہے۔

یہ بھی پڑھیں: الیکشن ان 13 جماعتوں کی سیاسی موت ہے، شیخ رشید

شیخ رشید کا کہنا تھا کہ 200 کا ڈالر دینے والے ارسطو ڈار نے 250کا ڈالر کرنے کی اجازت دیدی ہے۔ ایل سی کھل نہیں رہی بینکوں میں بھونچال ہے، لوگ دھکے کھا رہے ہیں، سب ڈرامے ایک نااہل حکومت کو مسلط رکھنے کے لیے کیے جا رہے ہیں۔

انہوں نے مزید کہا کہ فوری الیکشن نہ ہوئے تو قحط زدہ قوم کے غضب کے آگے کوئی نہیں کھڑا ہوسکے گا۔ رہے گا نام اللہ کا اور راج کرے گی خلق خدا۔

حکومت عمران خان کو مائنس کرکے الیکشن میں جانا چاہتی ہے

گزشتہ روز سابق وفاقی وزیر شیخ رشید نے لال حویلی راولپنڈی کے باہر عوام سے خطاب کرتے ہوئے کہا تھا کہ حکومت عمران خان کو مائنس کر کے الیکشن میں جانا چاہتی ہے لیکن آنے والا الیکشن ون وے ہے۔

سابق وفاقی وزیر نے کہا کہ پاکستان کا کوئی وزیر اعظم پانچ سال پورے نہیں کرسکا  ہے اور یہ 13 جماعتیں بھی الیکشن ڈری ہوئی ہیں۔

یہ بھی پڑھیں: ملک الیکشن کے بجائے تشدد کی راہ پر چل پڑا ہے، اب فیصلے سڑکوں پر ہونگے، شیخ رشید

انہوں نے کہا کہ عمران کو سمجھاؤں گا محسن نقوی ہمارے لیے نہیں نواز شریف کے لیے لایا گیا ہے جس کا ایجنڈا محبوب عمران خان قبول نہیں لیکن عمران خان مزید مقبول ہوگا اور قبولیت کی طرف چلا جائے گا ۔

شیخ رشید کا مزید کہنا تھا کہ عمران خان جیل میں ہوگا تو کسی کا باپ بھی اس کے خلاف جلسہ نہیں کرسکے گا۔