مریم اورنگزیب نے کہا ہے کہ پی ڈی ایم کی حکومت آزادی اظہار رائے پر کامل یقین رکھتی ہے۔

تفصیلات کےمطابق اپنے ایک بیان میں وفاقی وزیر اطلاعات ونشریات مریم اورنگزیب نے پشاور پریس کلب کے نومنتخب عہدیداران کو مبارکباد دی ہے جبکہ وفاقی وزیر نے پشاور پریس کلب کی نئی باڈی کیلئے نیک تمنائوں کا اظہار بھی کیا ہے۔

مریم اورنگزیب نے ارشد عزیز ملک کو صدر، رضوان شیخ کو نائب صدر، عرفان موسی زئی کو جنرل سیکرٹری، طیب عثمان کو جوائنٹ سیکرٹری، عماد وحید کو سیکرٹری خزانہ منتخب ہونے اور مجلس عاملہ کے دیگر ارکان کو کامیابی پر مبارکباد دی۔

انہوں نے کہا کہ پی ڈی ایم کی حکومت آزادی اظہار رائے پر کامل یقین رکھتی ہے، ہماری حکومت نے صحافی برادری کے حقوق کے تحفظ کیلئے عملی اقدامات اٹھائے ہیں۔

مریم اورنگزیب نے کہا کہ پریس کلب کے صحافیوں نے ہمیشہ مثبت اور ذمہ دارانہ صحافت کو فروغ دیا ہے۔

وفاقی وزیر اطلاعات ونشریات مریم اورنگزیب نے مزید کہا کہ پشاور پریس کلب کی نئی باڈی حسب توقع پریس کلب اور صحافیوں کی فلاح و بہبود کے لئے اپنی صلاحیتیں اور توانائی صرف کرے گی۔