سابق وفاقی وزیر شیخ رشید نے کہا ہے کہ دہشتگرد عمران خان کی جان لینا چاہتے ہیں اور آصف زرداری نے عمران خان کی جان لینے کیلئے دہشتگرد گروپ انگیج کیا ہے۔

لال حویلی سے خطاب کرتے ہوئے عوامی مسلم لیگ کے سربراہ نے خطاب کرتے ہوئے کہا ہے کہ ایف سی اور رینجرز کو لال حویلی آنے سے روکا ہے۔

رینجرز اور ایف سی لال حویلی نہ آئے

انہوں نے کہا ہے کہ ہمارے اوپر پہلے بھی 4 حملے ہوچکے ہیں اور لال حویلی کی سیکیورٹی واپس لے لی گئی ہے اور اب مجھے کچھ ہوا تو رانا ثناء، شہباز شریف، زرداری ذمہ دارہونگے۔

انہوں نے مزید کہا کہ لال حویلی پر رینجرز اور ایف سی نہ آئے باقی جو آئے اسے نپٹ لینگے۔

یہ بھی پڑھیں: عمران خان کی موجودگی میں 13 پارٹیاں الیکشن لڑنے کیلئے تیار نہیں، شیخ رشید

شیخ رشید کا کہنا تھا کہ لال حویلی کا کیس عدالت میں ہے اور لال حویلی ہماری ملکیت ہے اگر نہ ہو تو ہم قومی مجرم ہیں ۔

ان کا کہنا تھا کہ ڈپٹی ایڈمنسٹریٹر آصف خان رانا ثناء اللہ کے اشاروں پر کام کرتا ہے لیکن رینجرز اور ایف سی کا احترام ہے پولیس اور ایف آئے اے سوچ سمجھ کر لال حویلی آئے۔

عمران خان کو قتل کرنے کی سازش

انہوں نے کہا کہ آصف زرداری نے عمران خان کو قتل کرنے کی سازش کررہا ہے  اور میرے پاس ثبوت ہیں آصف زرداری نے دہشت گردوں کو ہائر کیا ہے اور ان کو زہر دینے کی کوشش کی گئی ہے۔

انہوں نے مزید کہا کہ عمران خان کو گرفتار کر کے یہ لوگ اپنے پاؤں پر کلہاڑا مارینگے اور ی ٹی آئی کی مزید خدمت کریں گے۔

نگراں وزیراعلیٰ محسن تقوی

ان کا کہنا تھا کہ محسن نقوی وزارت اعلٰی کیلئے نا اہل ہے  اور نوازشریف نے محسن نقوی کو لگوا کرغلطی کی ہے، وہ ن لیگ نہیں زرداری کیلئے کام کرے گا۔

انہوں نے بتایا کہ ہم محسن نقوی کے خلاف سپریم کورٹ جارہے ہیں جو آصف زرداری کے فرنٹ مین ہیں۔

90روز میں صوبائی اسمبلیوں کے انتخابات ضروری ہیں

انہوں نے کہا ہے کہ آئین کے تحت 90 روزمیں صوبائی اسمبلیوں کےانتخابات ضروری ہیں لیکن حکومت صوبائی اسمبلیوں پر انتخابات نہیں کرارہی ہے ۔

انہوں نے مزید کہا کہ 13 جماعتیں عمران خان سے ڈری ہوئی ہیں، انتخابات نہیں کرائیں گی  کیونکہ عوام کے پاس کھانے کو کچھ نہیں ہے تو کون انکو ووٹ دے گا۔

سابق وفاقی وزیر نے کہا کہ ہر روز اس حکومت کو کم عقلی کا دورہ پڑتا ہے جبکہ لوگ غربت میں پس رہے ہیں مہنگائی میں مزید اضافہ ہونے جارہا ہے اور  ان سے ملک چل ہی نہیں رہا  ہے۔