خیبرپختونخوا کے معاون خصوصی برائے اطلاعات بیرسٹر سیف نے کہا ہے کہ وفاق ہمیں ہمارا فنڈ نہیں دے رہا ہے۔

تفصیلات کے مطابق خیبرپختونخوا کے معاون خصوصی برائے اطلاعات بیرسٹر سیف نے بول نیوز سے خصوصی گفتگو کرتے ہوئے کہا کہ صوبے میں آئینی طریقہ کار کے تحت نگران سیٹ اپ بنے گا اور اسمبلی تحلیل کے بعد اپوزیشن کی مشاورت سے ناموں کا اعلان بھی کیا جائے گا۔

 انہوں نے کہا کہ اسلام آباد میں سارے چور بیھٹے ہے ان کی نگرانی کون کرےگا اور ضم اضلاع کے لیے وفاق نے جو کمیٹی بنائی ہے اس میں بھی سارے اپنے بندوں کے نام ڈالے ہیں جبکہ قبائلی اضلاع کے عوام پہلے سے مشکلات میں ہیں۔

ان کا کہنا تھا کہ وفاق ہمیں ہمارا فنڈ نہیں دے رہا ہے، وفاق نے قبائلی اضلاع کے لیے 55 ارب روپے کا اعلان کیا تھا اور اب وفاق صرف 5 ارب روپے دے رہی ہے۔

یہ بھی پڑھیں؛ مرکزی حکومت کی وجہ سے ہمیں معاشی مسائل کا سامنا ہے، بیرسٹر سیف

بیرسٹر سیف نے کہا کہ ملک کی معیشیت تباہ ہو رہی ہے اور دہشتگردی بڑھ رہی ہے۔

انہوں نے کہا کہ خیبرپختونخوا پولیس کو جدید اسلحہ کی ضرورت ہے۔

ان کا کہنا تھا کہ صوبے میں جب بھی دہشتگردی کا واقعہ ہوتا ہے رانا ثناءاللہ مذاق اڑانا شروع کر دیتے ہیں جبکہ رانا ثناءاللہ خود قاتل ہے ایسے لوگوں کو جیل میں ڈالنا چاہیئے۔

یہ بھی پڑھیں؛ عمران خان کی مقبولیت کو سیاسی انجینئرنگ سے کم نہیں کیا جاسکتا، بیرسٹر سیف

خیبرپختونخوا کے معاون خصوصی برائے اطلاعات بیرسٹر سیف نے مزید کہا کہ چوروں کا ٹولہ جب تک اقتدار میں رہے گا ملک کی سلامتی اور استحکام کو خطرات لاحق رہیں گے۔